ಮಥುರಾ: ಶ್ರೀಕೃಷ್ಣನ ಜನ್ಮಸ್ಥಾನದಲ್ಲಿ ಮಸೀದಿ ತೆರವು ; ನಿಲುವು ಪ್ರಶ್ನಿಸಿ ನೋಟಿಸ್‌ ಜಾರಿ

ಮಥುರಾ: ಉತ್ತರಪ್ರದೇಶದ ಮಥುರಾದಲ್ಲಿನ ಶ್ರೀಕೃಷ್ಣನ ಜನ್ಮಸ್ಥಾನಕ್ಕೆ ಅಂಟಿಕೊಂಡಿರುವ 17ನೇ ಶತಮಾನದ ಮಸೀದಿಯನ್ನು ತೆರವುಗೊಳಿಸಬೇಕೆಂಬ ಅರ್ಜಿಯನ್ನು ಹೆಚ್ಚುವರಿ ಜಿಲ್ಲಾ ಮತ್ತು ಸೆಷನ್ಸ್‌ ನ್ಯಾಯಾಲಯ ವಿಚಾರಣೆಗೆ ಅಂಗೀಕರಿಸಿದೆ.

ಜತೆಗೆ ಈ ಬಗ್ಗೆ ಶಾಹಿ ಈದ್ಗಾ ಮಸೀದಿ ವ್ಯವಸ್ಥಾಪಕರ ನಿಲುವೇನು ಎಂದು ಪ್ರಶ್ನಿಸಿ ನೋಟಿಸ್‌ ಜಾರಿ ಮಾಡಿದೆ. ಕತ್ರಾ ಕೇಶವದೇವ ದೇವಸ್ಥಾನ ಸಂಕೀರ್ಣದ ಸಮೀಪ 17ನೇ ಶತಮಾನದ ಮಸೀದಿಯಿದೆ.

ನ್ಯಾಯಾಲಯ ಲಕ್ನೋದಲ್ಲಿನ ಸುನ್ನಿ ವಕ್ಫ್ ಮಂಡಳಿ, ಕತ್ರಾ ಕೇಶವದೇವ ದೇವಸ್ಥಾನದ ಶ್ರೀಕೃಷ್ಣ ಜನ್ಮಭೂಮಿ ಟ್ರಸ್ಟ್‌, ಶ್ರೀಕೃಷ್ಣ ಸೇವಾ ಸಂಸ್ಥಾನಕ್ಕೂ ನೋಟಿಸ್‌ ನೀಡಿದೆ. ಮಾ.8ರೊಳಗೆ ಈ ಬಗ್ಗೆ ಅಭಿಪ್ರಾಯ ತಿಳಿಸಲು ಸೂಚಿಸಿದೆ.

ಇದನ್ನೂ ಓದಿ:ಬೆಳಗ್ಗೆ ಕಾಂಗ್ರೇಸ್ ತೊರೆದು ಬಿಜೆಪಿ ಸೇರಿದ್ದ ಸದಸ್ಯೆ ಸಂಜೆಯಾಗುತ್ತಲೇ ಮತ್ತೆ ಕಾಂಗ್ರೇಸ್ ಗೆ