Bigg Boss ಕನ್ನಡ ಸೀಸನ್‌ 10ಗೆ ಕೌಂಟ್‌ ಡೌನ್‌

ಇದೇ ಅಕ್ಟೋಬರ್‌ 8ರಿಂದ ಕನ್ನಡದ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ ಒಂದಾಗಿರುವ “ಬಿಗ್‌ ಬಾಸ್‌ ರಿಯಾಲಿಟಿ ಶೋ’ನ 10ನೇ ಆವೃತ್ತಿ ಶುರುವಾಗಲಿದೆ. ರಾತ್ರಿ 9.30ರಿಂದ ಈ ರಿಯಾಲಿಟಿ ಶೋ ಆರಂಭವಾಗಲಿದ್ದು, ದಿನದಿಂದ ದಿನಕ್ಕೆ ಬಿಗ್‌ ಬಾಸ್‌ ಕಾವು ಜೋರಾಗುತ್ತಿದೆ.

ಈಗಾಗಲೇ “ಬಿಗ್‌ ಬಾಸ್‌ ರಿಯಾಲಿಟಿ ಶೋ’ನ 10ನೇ ಆವೃತ್ತಿಯ ಪ್ರೊಮೋಗಳು ಬಿಡುಗಡೆಯಾಗಿದ್ದು, ಕಿರುತೆರೆ ವೀಕ್ಷಕರ ಕುತೂಹಲವನ್ನು ಮತ್ತಷ್ಟು ಕೆರಳಿಸುತ್ತಿದೆ.

ಈಗಾಗಲೇ ಅಧಿಕೃತವಾಗದಿದ್ದರೂ, ಒಂದಷ್ಟು ಸ್ಪರ್ಧಿಗಳ ಹೆಸರು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಆದರೆ ಈ ಪಟ್ಟಿಯಲ್ಲಿ ಯಾರ್ಯಾರು ಇರುತ್ತಾರೆ ಎಂಬುದು ಸ್ಪರ್ಧಿಗಳು “ಬಿಗ್‌ ಬಾಸ್‌’ ವೇದಿಕೆ ಮೇಲೆ ಬಂದ ಮೇಲಷ್ಟೇ ಗೊತ್ತಾಗಲಿದೆ.