Advertisement
ಪದವಿ ಮುಗಿದ ಮೇಲೆ ಯಾರದೇ ಕೈ ಕೆಳಗೆ ಕೆಲಸ ಮಾಡಲು ಅಭಿಲಾಷ್‌ನ ಮನಸ್ಸು ಒಲ್ಲೆ ಎಂದಿತು. ಆಗಲೇ ಅವನು ಕೃಷಿ ಕಡೆಗೆ ಮುಖ ಮಾಡಿದ್ದು. ಕೃಷಿ ಕುಟುಂಬದಿಂದ ಬಂದ ಅಭಿಲಾಷ್‌ ತಂದೆ ರೇಚಣ್ಣ ಕೃಷಿ ಪಂಡಿತರು. ಅವರು ದೇಸಿ ಬೀಜಗಳ ಬೆಳೆಯವುದರಲ್ಲಿ ನಿರತರಾಗಿದ್ದಾರೆ. ವಿಷಮುಕ್ತ ಕೃಷಿಯನ್ನು ಕಲಿಯಲೆಂದು ರೈತ ನಾಯಕ ಎಂ.ಡಿ ನಂಜುಂಡಸ್ವಾಮಿಯವರು ಚಾಮರಾಜನಗರದಲ್ಲಿ ಕಟ್ಟಿದ ಅಮೃತಭೂಮಿಗೆ ಹೋಗಿ ಅಲ್ಲಿ ತರಬೇತಿ ಪಡೆದು ಬಿಳಿರಂಗನ ಬೆಟ್ಟದ ಸೋಲಿಗರ ಪೋಡುಗಳಿಂದ ಸಂಗ್ರಹಿಸಿ ತಂದ ಬಣ್ಣದ ಮುಸುಕಿನ ಜೋಳವನ್ನು ಬೆಳೆಯಲಾಗಿತ್ತು.
Related Articles
ನೀರಿನ ಕೊರತೆಯ ಕಾರಣ ಇಳುವರಿ ಕುಂಠಿತವಾಗಿದೆ. ಎಕರೆಗೆ 8 ರಿಂದ 10 ಕ್ವಿಂಟಾಲ್‌ ಬೀಜ ಸಿಕ್ಕಿದೆ. ನೀರು ಸರಿಯಾಗಿದ್ದೂ, ಸರಿಯಾಗಿ ಕಳೆ ತೆಗೆದಲ್ಲಿ ಎಕರೆಗೆ 10 -15 ಕ್ವಿಂಟಾಲ್‌ ಬೆಳೆಯಬಹುದು. ಈ ಜೋಳ ಎತ್ತರ ಬೆಳೆಯೋದರಿಂದ ಹೆಚ್ಚು ಹಸಿರಾಗಿರುವುದರಿಂದ ದನಕರುಗಳಿಗೆ ಒಳ್ಳೆಯ ಮೇವಾಗುತ್ತದೆ. ಸಾವಯವಕ್ಕೆ ಒಗ್ಗುವ ಬಣ್ಣದ ಮುಸುಕಿನ ಜೋಳ ನಾಲ್ಕರಿಂದ ನಾಲ್ಕೂವರೆ ತಿಂಗಳ ಬೆಳೆ. ಈ ಜೋಳದ ಕಾಳು ಹೆಚ್ಚು ಸಿಹಿಯಾಗಿರುವುದರಿಂದ ಹಕ್ಕಿ, ಹಂದಿಗಳ ಕಾಟ ಇದ್ದೇ ಇದೆ. ಇದಕ್ಕೆ ಯಾವುದೇ ರೋಗಗಳ ಬಾಧೆ ಇರುವುದಿಲ್ಲ.
Advertisement
ಮಾರಾಟ ಹಾಗೂ ಲಾಭಮುಸುಕಿನ ಜೋಳದ ಬೀಜವನ್ನು ರಾಜ್ಯವಲ್ಲದೇ ಮಹಾರಾಷ್ಟ, ತಮಿಳುನಾಡು ರಾಜ್ಯದ ರೈತರು 50 ರೂ.ಗೆ ಕೆಜಿಯಂತೆ ಖರೀದಿಸುತ್ತಿದ್ದಾರೆ. ಕೆಲ ರೈತರು ಈ ವರ್ಷ 10 ಕೆಜಿ ಬೀಜ ತೆಗೆದುಕೊಂಡು ಹೋಗಿ ಮುಂದಿನ ವರ್ಷ 20 ಕೆಜಿ ಬೀಜ ನೀಡುವುದಾಗಿ ಒಪ್ಪಂದ ಮಾಡಿಕೊಂಡಿದ್ದಾರೆ. ಒಟ್ಟಿನಲ್ಲಿ ಕಡಿಮೆ ಖರ್ಚಿನಲ್ಲಿ ಮಾಡಬಹುದಾದ ಜೋಳದ ಕೃಷಿಯಲ್ಲಿ ಎರಡು ಎಕರೆಯಲ್ಲಿ ಖರ್ಚು ತೆಗೆದು 50 ಸಾವಿರ ರೂಗಳ ಲಾಭ ಈ ಬಾರಿ ಸಿಕ್ಕಿದೆ ಎನ್ನುತ್ತಾರೆ ಅಭಿಲಾಷ್‌. ಅಭಿಲಾಷ್‌ ಹಾಗೂ ಅವರ ಮಿತ್ರ ನವೀನ್‌ರಂಥ ಬಿಸಿರಕ್ತದ ಹುಡುಗರು ದೇಸಿ ಮುಸುಕಿನ ಜೋಳವನ್ನು ಹುಡುಕಿ, ಬೆಳೆದು, ಬೀಜ ಹಂಚುವ ಕಾರ್ಯದಲ್ಲಿ ಸಕ್ರಿಯರಾಗಿದ್ದಾರೆ. ಕರ್ನಾಟಕದ ಉದ್ದಕ್ಕೂ ದೇಸಿ ಮುಸುಕಿನ ಜೋಳದ ಕಂಪು ಹಬ್ಬಿಸುವ ಉಮೇದು ಇವರದು. * ಗುರುರಾಜ ಬ. ಕನ್ನೂರ
ಕೈ ಜೋಡಿಸುವವರಿಗೆ ಮಾಹಿತಿಗೆ: 9739762973.