Advertisement
ಮೆಸ್ಕಾಂ ಸಿಬಂದಿ ವಿದ್ಯುತ್‌ ಮಾರ್ಗದ ದೋಷಗಳನ್ನು ಪತ್ತೆ ಹಚ್ಚಿ, ಅದರ ದುರಸ್ತಿ ಕಾರ್ಯಕ್ಕೆ ಹರಸಾಹಸ ಪಡುತ್ತಿದ್ದಾರೆ. ಗ್ರಾಮೀಣ ಭಾಗದಲ್ಲಿ ಕಾಡಿನೊಳಗಿನ ಮಾರ್ಗದಲ್ಲಿ ವಿದ್ಯುತ್‌ ತಂತಿ ಹಾದು ಹೋದ ಕಾರಣ ಸಮಸ್ಯೆ ಜಟಿಲವಾಗಿದ್ದು, ಸಕಾಲದಲ್ಲಿ ಎಲ್ಲ ಕಡೆಗೂ ವಿದ್ಯುತ್‌ ಸರಬರಾಜು ಮಾಡಲು ಮೆಸ್ಕಾಂನಲ್ಲಿ ಸಿಬಂದಿ ಕೊರತೆಯಿದೆ. ಬಡಗನ್ನೂರು, ಕಬಕ ಪರಿಸರದಲ್ಲೂ ಮಂಗಳವಾರ ಸಂಜೆ ಮಳೆಯಾಗಿದೆ.
ಪುತ್ತೂರು: ತಾಲೂಕಿನ ನಗರ ಹಾಗೂ ಗ್ರಾಮಾಂತರದ ಕೆಲವು ಭಾಗಗಳಲ್ಲಿ ಮಂಗಳವಾರ ಸಂಜೆ 10 ನಿಮಿಷಗಳ ಕಾಲ ಸಾಧಾರಣ ಮಳೆಯಾಗಿದೆ. ಪುತ್ತೂರು ನಗರ, ಕಬಕ, ಸವಣೂರು, ಕುಂಬ್ರ, ಸಂಪ್ಯ ಸಹಿತ ವಿವಿಧ ಕಡೆಗಳಲ್ಲಿ ಸಾಧಾರಣ ಮಳೆಯಾಗಿದೆ. ಮಳೆಯ ಜತೆಗೆ ಗುಡುಗು ಅಬ್ಬರಿಸಿದರೂ ಹೆಚ್ಚು ಸಮಯ ಮಳೆ ಬೀಳಲಿಲ್ಲ.