Advertisement
ಕಾನೂನು ವ್ಯಾಸಂಗಕ್ಕಾಗಿ ನಾನು ಮಂಗಳೂರಿಗೆ ಬಂದಾಗ ಮುಂದೊಂದು ದಿನ ನಾನು ಈ ಹಂತಕ್ಕೆ ತಲುಪುತ್ತೇನೆ ಎಂದು ಭಾವಿಸಿರಲಿಲ್ಲ. ಎಸ್‌ಡಿಎಂ ಕಾನೂನು ಕಾಲೇಜು ಪ್ರತಿಭೆಗಳ ಆಗರವಾಗಿದ್ದು, ಇಲ್ಲಿನ ಸ್ಫೂರ್ತಿದಾಯಕ ಶಿಕ್ಷಕರಿಂದ ವಿದ್ಯಾರ್ಥಿಗಳಿಗೆ ಉತ್ತಮ ಶಿಕ್ಷಣ ಲಭಿಸುತ್ತಿದೆ. ವಿದ್ಯಾರ್ಥಿಗಳಲ್ಲಿ ಸ್ಫೂರ್ತಿಯ ಚಿಲುಮೆ ತುಂಬುವ ಶಿಕ್ಷಕರಿರುವ ಕಾರಣ ನಾನು ಇಷ್ಟೊಂದು ಉನ್ನತ ಸ್ಥಾನಕ್ಕೆ ಏರಲು ಸಾಧ್ಯವಾಯಿತು ಎಂದು ಅವರು ವಿವರಿಸಿದರು.
ಇನ್ನೋರ್ವ ಹಳೆ ವಿದ್ಯಾರ್ಥಿ ದೇಶದ ಅಡೀಶನಲ್‌ ಸಾಲಿಸಿಟರ್‌ ಜನರಲ್‌ ಕೆ.ಎಂ. ನಟರಾಜ್‌ ಮುಖ್ಯ ಅತಿಥಿಯಾಗಿ ಮಾತನಾಡಿ, ನ್ಯಾ| ಆ್ಯಂಟನಿ ಡೊಮಿನಿಕ್‌ ಅವರು ಎಸ್‌ಡಿಎಂ ಕಾನೂನು ಕಾಲೇಜು ರೂಪಿಸಿದ ಮೊದಲ ಮುಖ್ಯ ನ್ಯಾಯಾಧೀಶರಾಗಿರುತ್ತಾರೆ. ಪರಿಶ್ರಮ ಮತ್ತು ಅರ್ಪಣಾ ಮನೋಭಾವದ ಸೇವೆ ಅವರನ್ನು ಈ ಹಂತಕ್ಕೆ ಕೊಂಡೊಯ್ದಿದೆ ಎಂದವರು ಅಭಿನಂದಿಸಿದರು. ಮಂಗಳೂರು ವಕೀಲರ ಸಂಘದ ಅಧ್ಯಕ್ಷ ಹಾಗೂ ಎಸ್‌ಡಿಎಂ ಲಾ ಕಾಲೇಜಿನ ಹಳೆ ವಿದ್ಯಾರ್ಥಿಗಳ ಸಂಘದ ಅಧ್ಯಕ್ಷ ಎಂ.ಆರ್‌. ಬಲ್ಲಾಳ್‌ ಸ್ವಾಗತಿಸಿದರು. ಎಸ್‌ ಡಿಎಂ ಲಾ ಕಾಲೇಜಿನ ಪ್ರಾಂಶುಪಾಲ ಡಾ| ತಾರಾನಾಥ್‌ ಪ್ರಾಸ್ತಾವನೆಗೈದರು.
Related Articles
ನ್ಯಾ| ಆ್ಯಂಟನಿ ಡೊಮಿನಿಕ್‌ ಅವರನ್ನು ಈ ಸಂದರ್ಭ ಎಸ್‌ಡಿಎಂ ಶಿಕ್ಷಣ ಸಂಸ್ಥೆಯ ಪರವಾಗಿ ಸಮ್ಮಾನಿಸಲಾಯಿತು. ಲಾ ಕಾಲೇಜಿನ ನಿವೃತ್ತ ಪ್ರಾಂಶುಪಾಲರಾದ ಪ್ರೊ| ಎನ್‌.ಜೆ. ಕಡಂಬ ಮತ್ತು ಪ್ರೊ| ಅರಳ ರಾಜೇಂದ್ರ ಶೆಟ್ಟಿ ಅವರು ಸಮ್ಮಾನವನ್ನು ನೆರವೇರಿಸಿದರು. ಸಂಘದ ಉಪಾಧ್ಯಕ್ಷ ಉದಯ ಪ್ರಕಾಶ್‌ ಮುಳಿಯ ಅವರು ಅಭಿನಂದನ ಪತ್ರ ವಾಚಿಸಿದರು.
Advertisement
ಮಂಗಳೂರಿನ ಜಿಲ್ಲಾ ಪ್ರಧಾನ ಮತ್ತು ಸೆಷನ್ಸ್‌ ನ್ಯಾಯಾಧೀಶರಾದ ಕೆ.ಎಸ್‌. ಬೀಳಗಿ, ಎಸ್‌ಡಿಎಂ ಲಾ ಕಾಲೇಜಿನ ನಿವೃತ್ತ ಪ್ರಾಂಶುಪಾಲ ಪ್ರೊ| ಪಿ.ಡಿ. ಸೆಬಾಸ್ಟಿಯನ್‌, ಪ್ರೊ| ಉದಯ ಕುಮಾರ್‌, ಎಚ್‌.ವಿ. ರಾಘವೇಂದ್ರ ರಾವ್‌, ಮಹೇಶ್‌ ಕಜೆ, ಸೌಜನ್ಯಾ ಹೆಗ್ಡೆ, ರಾಘವೇಂದ್ರ ರಾವ್‌, ಸತೀಶ್‌ ಮತ್ತಿರರು ಉಪಸ್ಥಿತರಿದ್ದರು.
ವೆಬ್‌ಸೈಟ್‌, ಬೈಲಾ ಅನಾವರಣಹಳೆ ವಿದ್ಯಾರ್ಥಿ ಸಂಘವು ಶಿಕ್ಷಣ ಸಂಸ್ಥೆಯ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಹಳೆ ವಿದ್ಯಾರ್ಥಿಗಳನ್ನು ಸಂಬೋಧಿಸುವ ಆಂಗ್ಲ ಪದ ‘ಅಲ್ಮಾ ಮ್ಯಾಟರ್‌’ ಎಂದರೆ ‘ಸಲಹುವ ತಾಯಿ’ ಎಂದರ್ಥ. ಎಸ್‌ ಡಿಎಂ ಕಾಲೇಜು ನನಗೆ ವಿದ್ಯಾರ್ಜನೆ ಮಾಡಿ ವಕೀಲನನ್ನಾಗಿ ಹಾಗೂ ಜವಾಬ್ದಾರಿಯುತ ಪ್ರಜೆಯನ್ನಾಗಿ ಬೆಳೆಸಿದೆ ಎಂದು ಹೇಳಿದ ಅವರು ಕಲಿಸಿದ ಶಿಕ್ಷಕರನ್ನು ಸ್ಮರಿಸಿ ಸಂಸ್ಥೆಗೆ ಅಭಿನಂದನೆ ಸಲ್ಲಿಸಿದರು. ಹಳೆ ವಿದ್ಯಾರ್ಥಿ ಸಂಘವು ಚೆನ್ನಾಗಿ ಬೆಳೆಯಲಿ ಎಂದು ಹಾರೈಸಿದರು. ಹಳೆ ವಿದ್ಯಾರ್ಥಿ ಸಂಘದ ವೆಬ್‌ಸೈಟ್‌ ಮತ್ತು ಬೈಲಾಗಳನ್ನು ನ್ಯಾ| ಆ್ಯಂಟನಿ ಅವರು ಅನಾವರಣ ಮಾಡಿದರು.