Nagpur: ರಾಹುಲ್‌ ಕಾರ್ಯಕ್ರಮದಲ್ಲಿ ಖಾಲಿ ಸಂವಿಧಾನ ಪುಸ್ತಕ ಹಂಚಿಕೆ: ಬಿಜೆಪಿ ಆರೋಪ

ಮುಂಬೈ: ನಾಗ್ಪುರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಜನರಿಗೆ ಕಾಂಗ್ರೆಸ್‌ ಖಾಲಿ ಹಾಳೆಗಳಿರುವ(ಮುಖಪುಟದಲ್ಲಷ್ಟೇ ಸಂವಿಧಾ ನದ ಆಶಯ ಬರೆಯಲಾದ) ಸಂವಿಧಾನದ ಪುಸ್ತಕ ಹಂಚಿದೆ ಎಂದು ಬಿಜೆಪಿ ಆರೋಪಿಸಿದೆ. ಬಿಜೆಪಿ ಮಾಡಿರುವ ಈ ವಿಡಿಯೋ ವೈರಲ್‌ ಆಗಿದ್ದು, “ಕಾಂಗ್ರೆಸ್‌ ಇದೇ ರೀತಿ ಸಂವಿಧಾನವನ್ನು ಅಳಿಸಲು ಮುಂದಾಗಿದೆ’ ಎಂದೂ ಟೀಕಿಸಿದೆ.

ಇದಕ್ಕೆ ಪ್ರತಿಕ್ರಿಯಿಸಿರುವ ಕಾಂಗ್ರೆಸ್‌, ಕಾರ್ಯಕ್ರಮಕ್ಕೆ ಹಾಜರಾದ ಎಲ್ಲರಿಗೂ ನೋಟ್‌ ಪುಸ್ತಕ, ಪೆನ್‌ ನೀಡಲಾಗಿತ್ತು. ಇದು ಸಂವಿಧಾನದ ಪ್ರತಿಯಲ್ಲ ಎಂದು ಹೇಳಿದೆ.

ಮತ್ತೊಂದೆಡೆ ಕೆಂಪು ಬಣ್ಣದ ಪುಸ್ತಕ ನೀಡುವ ಮೂಲಕ ಕಾಂಗ್ರೆಸ್‌ ನಗರ ನಕ್ಸಲರನ್ನು ಸೆಳೆಯಲು ಯತ್ನಿಸುತ್ತಿದೆ ಎಂದು ಮಹಾರಾಷ್ಟ್ರ ಡಿಸಿಎಂ ಫ‌ಡ್ನವೀಸ್‌ ಹೇಳಿದ್ದು, ಇದಕ್ಕೂ ಕಾಂಗ್ರೆಸ್‌ ವಿರೋಧ ವ್ಯಕ್ತಪಡಿಸಿದೆ. ಮನುಸ್ಮತಿಯಿಂದ ಪ್ರೇರಣೆ ಪಡೆದು 1949ರಲ್ಲಿ ನೀವು (ಆರೆಸ್ಸೆಸ್‌) ಸಂವಿಧಾನದ ಮೇಲೆ ದಾಳಿಗೆ ಯತ್ನಿಸಿದಿರಿ ಎಂದು ಟೀಕಿಸಿದೆ.