ಅ.31: ಮಹಾರಾಷ್ಟ್ರ ಕಾಂಗ್ರೆಸ್‌ನಿಂದ ಜನಾಕ್ರೋಶ ಆಂದೋಲನ

ಮುಂಬಯಿ : ಮಹಾರಾಷ್ಟ್ರದಲ್ಲಿನ ಬಿಜೆಪಿ ನೇತೃತ್ವದ ಫ‌ಡ್ನವೀಸ್‌ ಸರಕಾರದ ಮೂರು ವರ್ಷಗಳ ವೈಫ‌ಲ್ಯವನ್ನು ಜನರಿಗೆ ಢಾಳಾಗಿ ಕಾಣಿಸುವ ಸಲುವಾಗಿ ಇದೇ ಅ.31ರಂದು ಮಹಾರಾಷ್ಟ್ರದಲ್ಲಿನ ಕಾಂಗ್ರೆಸ್‌ ಜನಾಕ್ರೋಶ ಆಂದೋಲನವನ್ನು ಆರಂಭಿಸಲಿದೆ.

ದಿವಂಗತ ಪ್ರಧಾನಿ ಇಂದಿರಾ ಗಾಂಧಿಯವರ ಪುಣ್ಯತಿಥಿಯ ದಿನವಾಗಿರುವ ಅ.31ರಂದು ಈ ಆಂದೋಲನವನ್ನು ಆರಂಭಿಸಲಾಗುವುದು ಎಂದು ಮಹಾರಾಷ್ಟ್ರ ಕಾಂಗ್ರೆಸ್‌ ಮುಖ್ಯಸ್ಥ ಅಶೋಕ್‌ ಚವಾಣ್‌ ಹೇಳಿದ್ದಾರೆ.

ಮಹಾರಾಷ್ಟ್ರದಲ್ಲಿನ ಬಿಜೆಪಿ ನೇತೃತ್ವದ ಸರಕಾರದ ಕಳಪೆ ಕಾರ್ಯ ನಿರ್ವಹಣೆಯಿಂದ ಜನರು ನಿರಾಶರಾಗಿದ್ದಾರೆ. ಜನರಲ್ಲಿ ತೀವ್ರವಾದ ಅಸಮಾಧಾನವಿದೆ. ಸರಕಾರದ ತಪ್ಪು ನಿರ್ಧಾರಗಳ ಬಗ್ಗೆ ಜನರಲ್ಲಿ ಆಕ್ರೋಶವಿದೆ ಎಂದು ಚವಾಣ್‌ ಹೇಳಿದರು.