ಗ್ರಾಪಂ ಸದಸ್ಯನ ವಿರುದ್ದ ದೂರು

ಆಳಂದ: ಕಲಬುರಗಿ ಗ್ರಾಪಂ ಸದಸ್ಯರ ಒಕ್ಕೂಟದ ವಾಟ್ಸ್‌ ಆ್ಯಪ್‌ ಗ್ರೂಪ್‌ನಲ್ಲಿ ನಿಂಬಾಳ ಗ್ರಾಪಂ ಸದಸ್ಯ ಗಣೇಶ ಶರಣಬಸಪ್ಪ ವಡ್ಡಲಿ ಎನ್ನುವಾತ ಪಿಡಿಒ ರಮೇಶ ಪ್ಯಾಟಿ ಮತ್ತು ಪತ್ನಿ ಕುರಿತು ನಿಂದಿಸಿದ್ದು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಪಿಡಿಒ ಸಂಘ ಒತ್ತಾಯಿಸಿದೆ.

ಗ್ರೇಡ್‌-2 ತಹಶೀಲ್ದಾರ್‌ ಬಸವರಾಜ ರಕ್ಕಸಗಿ, ತಾಪಂ ಇಒ ಡಾ| ಸಂಜಯ ರೆಡ್ಡಿಗೆ ಸಂಘದಿಂದ ಪ್ರತ್ಯೇಕ ದೂರು ಸಲ್ಲಿಸಲಾಯಿತು. ಕಳೆದ ಡಿ. 25ರಂದು ಮಾದನ ಹಿಪ್ಪರಗಾ ಪೊಲೀಸ್‌ ಠಾಣೆಯಲ್ಲಿ ಎಫ್‌ ಆರ್‌ಐ ದಾಖಲಾಗಿದೆ. ಆದ್ದರಿಂದ ಗಣೇಶ ವಡ್ಡಲಿ ಅವರನ್ನು ಬಂಧಿಸಬೇಕು. ಚುನಾವಣೆ ಆಯೋಗ ಮತ್ತು ಪ್ರಾದೇಶಿಕ ಆಯುಕ್ತರು ಸದಸ್ಯತ್ವ ರದ್ದತಿಗೆ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.

ಅಭಿವೃದ್ಧಿ ಅಧಿಕಾರಿಗಳಾದ ಸಿದ್ಧ ರಾಮ, ಮಮತಾ, ದಶರಥ, ಉಷಾ, ಚಂದ್ರಕಲಾ, ಅನುಸೂಯಾ, ಸುನೀಲ, ರಮೇಶ , ಪ್ರವೀಣ ಇನ್ನಿತರರು ಇದ್ದರು.