ಕಾಮನ್ವೆಲ್ತ್‌ ಗೇಮ್ಸ್‌: ಶ್ರೀಲಂಕಾ ವನಿತಾ ತಂಡ ಪ್ರಕಟ

ಕೊಲಂಬೊ: ಬರ್ಮಿಂಗ್‌ಹ್ಯಾಮ್‌ ಕಾಮನ್ವೆಲ್ತ್‌ ಗೇಮ್ಸ್‌ಗಾಗಿ ಶ್ರೀಲಂಕಾ ವನಿತಾ ಕ್ರಿಕೆಟ್‌ ತಂಡವನ್ನು ಮಂಗಳವಾರ ಅಂತಿಮಗೊಳಿಸಲಾಯಿತು.

ಭಾರತ ವಿರುದ್ಧದ ಟಿ20 ಸರಣಿಯ ವೇಳೆ ತಂಡದಲ್ಲಿದ್ದ ನಾಲ್ವರನ್ನು ಕೈಬಿಡಲಾಗಿದೆ. ಇವರೆಂದರೆ ಸತ್ಯ ಸಂದೀಪನಿ, ಕೌಶಾನಿ ನುತ್ಯಂಗನ, ಹನ್ಸಿಮಾ ಕರುಣಾರತ್ನೆ ಮತ್ತು ತಾರಿಕಾ ಸೆವ್ವಾಂಡಿ. ನಾಯಕಿಯಾಗಿ ಚಾಮರಿ ಅತಪಟ್ಟು ಮುಂದುವರಿದ್ದಾರೆ.

ಶ್ರೀಲಂಕಾ “ಬಿ’ ವಿಭಾಗದಲ್ಲಿ ಸ್ಥಾನ ಪಡೆದಿದೆ. ಆತಿಥೇಯ ಇಂಗ್ಲೆಂಡ್‌, ನ್ಯೂಜಿಲ್ಯಾಂಡ್‌ ಮತ್ತು ದಕ್ಷಿಣ ಆಫ್ರಿಕಾ ಇಲ್ಲಿನ ಉಳಿದ ತಂಡಗಳು.

ಶ್ರೀಲಂಕಾ ತಂಡ: ಚಾಮರಿ ಅತಪಟ್ಟು (ನಾಯಕಿ), ಹಾಸಿನಿ ಪೆರೆರ, ಹರ್ಷಿತಾ ಸಮರ ವಿಕ್ರಮ, ವಿಶ್ಮಿ ಗುಣರತ್ನೆ, ಸ್ನೇಹನಿ, ನೀಲಾಕ್ಷಿ ಡಿ ಸಿಲ್ವ, ಕವಿಶಾ ದಿಲ್ಹಾರಿ, ಅಮಾ ಕಾಂಚನಾ, ಅಶಿನಿ ಕುಲಸೂರ್ಯ, ಇನೋಕಾ ರಣವೀರ, ಉದೇಶಿಕಾ ಪ್ರಬೋಧನಿ, ಸುಗಂಧಿಕಾ ಕುಮಾರಿ, ರಶ್ಮಿ ಡಿ ಸಿಲ್ವ, ಒಶಾದಿ ರಣಸಿಂಘೆ, ಅನುಷ್ಕಾ ಸಂಜೀವನಿ.