Sri Lanka: ಏರ್‌ಲೈನ್ಸ್‌ನಿಂದ ರಾಮಾಯಣ ಕಾಲದ ತಾಣಗಳ ಪರಿಚಯಿಸುವ ಜಾಹಿರಾತು

ನವದೆಹಲಿ: ಶ್ರೀಲಂಕಾದಲ್ಲಿರುವ ರಾಮಾಯಣ ಕಾಲದ ಪ್ರಮುಖ ಪ್ರವಾಸಿ ತಾಣಗಳನ್ನು ಪರಿಚಯಿಸುವ ಜಾಹಿರಾತನ್ನು ಶ್ರೀಲಂಕಾ ಏರ್‌ಲೈನ್ಸ್‌ ಹಂಚಿಕೊಂಡಿದೆ. ವೃದ್ಧೆಯೊಬ್ಬರು ಮೊಮ್ಮಗನಿಗೆ ರಾಮಾಯಣದ ಕತೆ ಹೇಳುವಂತೆ ಅದನ್ನು ಸಿದ್ಧಪಡಿಸಲಾಗಿದೆ.

ರಾವಣನ ಗುಹೆ, ಅಶೋಕ ವಾಟಿಕಾ, ಸೀತಾ ದೇವಾಲಯ, ರಾಮಸೇತು ಸೇರಿದಂತೆ ಹಲವು ಪ್ರಮುಖ ಸ್ಥಳಗಳ ದೃಶ್ಯಾವಳಿಗಳನ್ನು ತೋರಿಸಲಾಗಿದೆ.

ಕಳೆದ ವರ್ಷ ಭಾರತ ಮತ್ತು ಶ್ರೀಲಂಕಾ ಸರ್ಕಾರಗಳು ಉಭಯ ರಾಷ್ಟ್ರಗಳ ನಡುವಿನ ಸಾಂಸ್ಕೃತಿಕ ಸಂಬಂಧಗಳನ್ನು ಬಲಪಡಿಸುವ ಮತ್ತು ಪಾರಂಪರಿಕ ಪ್ರವಾಸೋದ್ಯಮ ಉತ್ತೇಜಿಸುವ ಗುರಿಯೊಂದಿಗೆ “ರಾಮಾಯಣ ಟ್ರಯಲ್‌ ಯೋಜನೆ’ಗೆ ಪರಸ್ಪರ ಪಾಲುದಾರಿಕೆ ಘೋಷಿಸಿದ್ದವು.