ನೀತಿ ಸಂಹಿತೆ: ಸಚಿವ ಪ್ರಮೋದ್ ಪ್ರಚಾರ ವಾಹನ ಸೀಜ್

ಉಡುಪಿ: ಚುನಾವಣಾ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ ಆರೋಪದಲ್ಲಿ  ಸಚಿವ ಪ್ರಮೋದ್‌ ಮಧ್ವರಾಜ್‌ ಪರ ಪ್ರಚಾರ ನಡೆಸುತ್ತಿದ್ದ ವಾಹನವನ್ನು ಬುಧವಾರ ಬೆಳಗ್ಗೆ ಸೀಜ್‌ ಮಾಡಲಾಗಿದೆ. 

ಉಡುಪಿಯ ಪ್ರವಾಸಿ ಬಂಗಲೆ ಬಳಿಯಿದ್ದ ವಾಹನವನ್ನು ತಹಶೀಲ್ದಾರ್ ಪ್ರದೀಪ್ ಕುರುಡೇಕರ್ ಮತ್ತು ಆರ್‌ ಐ ಸುಧಾಕರ್ ಶೆಟ್ಟಿ ಅವರು ಜಪ್ತಿ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. 

ನಿನ್ನೆ  ಹೊರರಾಜ್ಯದಲ್ಲಿದ್ದ ಸಚಿವ ಪ್ರಮೋದ್‌ ಮಧ್ವರಾಜರು ಸರಕಾರಿ ಕಾರನ್ನು ವಾಪಸು ಮಾಡಲು ಸಿಬಂದಿಗೆ ಸೂಚಿಸಿದ್ದರು. 

ಅಭಿಮಾನಿಗಳು ಸಿದ್ದಪಡಿಸಿದ್ದ  ಪ್ರಚಾರ ವಾಹನದಲ್ಲಿ 2 ದಿನಗಳ ಹಿಂದಷ್ಟೆ ಕಾಂಗ್ರೆಸ್‌ ಚಿಹ್ನೆಯನ್ನು ಅಳವಡಿಸಲಾಗಿತ್ತು. ಕಾಂಗ್ರೆಸ್‌ ಚಿಹ್ನೆ, ಪಕ್ಷದ ನಾಯಕರ ಭಾವಚಿತ್ರಗಳಲ್ಲಿದೆ ಇದ್ದ ಕಾರಣ ಹಲವು ಉಹಾಪೋಹಗಳಿಗೆ ಕಾರಣವಾಗಿತ್ತು.