ಕಾಕ್ಟೈಲ್‌- ಹೀಗೊಂದು ಹೆಸರಿನ ಸಿನಿಮಾ ಇತ್ತೀಚೆಗೆ ಸೆಟ್ಟೇರಿದೆ. ಸಸ್ಪೆನ್ಸ್‌-ಥ್ರಿಲ್ಲರ್‌ ಅಂಶಗಳನ್ನು ಒಳಗೊಂಡಿರುವ ಈ ಚಿತ್ರಕ್ಕೆ ವಿ.ಮೈನಸ್‌ ಮತ್ತು ಸುವ್ವಾಲಿ ಚಿತ್ರಗಳನ್ನು ನಿರ್ಮಾಣ ಮಾಡಿರುವ ಶ್ರೀರಾಮ್‌ ಕಥೆ, ಚಿತ್ರಕತೆ, ಸಂಭಾಷಣೆ ಬರೆದು ನಿರ್ದೇಶನದ ಜವಬ್ದಾರಿಯನ್ನು ಹೊತ್ತುಕೊಂಡಿದ್ದಾರೆ. ಪ್ರಸ್ತುತ ಕೊರೊನಾ ಸಂದರ್ಭದಲ್ಲಿ ಚಿತ್ರರಂಗ ಅನುಭವಿಸಿದ ತಾಕಲಾಟಗಳನ್ನು ಅವಲೋಕಿಸಿ ಚಿತ್ರಕತೆಯನ್ನು ರಚಿಸಲಾಗಿದೆಯಂತೆ.
ಅನುಪಮ್‌ಕೇರ್‌ ನಟನಾ ಶಾಲೆ ಯಲ್ಲಿ ತರಬೇತಿ ಪಡೆದುಕೊಂಡಿರುವ ವೀರೇಶ್‌ಕೇಶವ್‌ ಚಿತ್ರದ ನಾಯಕ. ಈಗಾಗಲೇ ನರಗುಂದ ಬಂಡಾಯ ಮತ್ತು ಯುವರತ್ನ ಚಿತ್ರಗಳಲ್ಲಿ ಸಣ್ಣ ಪಾತ್ರಕ್ಕೆ ಬಣ್ಣ ಹಚ್ಚಿದ್ದು, ಈಗ “ಕಾಕ್ಟೆ„ಲ್‌’ ಸಿನಿಮಾ ಮೂಲಕ ನಾಯಕರಾಗಿ ಪರಿಚಯಗೊಳ್ಳುತ್ತಿದ್ದಾರೆ.
ಇದನ್ನೂ ಓದಿ:ಪುರುಷೋತ್ತಮನ ಫ್ಯಾಮಿಲಿ ಸಾಂಗ್‌: ಅದ್ಧೂರಿ ಆಡಿಯೋ ರಿಲೀಸ್
ನಾಯಕಿಯಾಗಿ ಚರಿಷ್ಮಾ ನಟಿಸುತ್ತಿದ್ದಾರೆ. ಉಳಿದಂತೆ ಶೋಭರಾಜ್‌, ರಮೇಶ್‌ ಪಂಡಿತ್‌, ಶಿವಮಣಿ, ಕರಿಸುಬ್ಬು, ಚಂದ್ರಕಲಾ ಮೋಹನ್‌, ಮಹಾಂತೇಶ್‌ ಹಿರೇಮಠ್ ಸೇರಿದಂತೆ ಬಹುದೊಡ್ಡ ಕಲಾವಿದರ ದಂಡೇ ಇರಲಿದೆ.
ಚಿತ್ರಕ್ಕೆ ಲೋಕಿತ ವಸ್ಯ ಸಂಗೀತ, ರವಿವರ್ಮ ಛಾಯಾಗ್ರಹಣ, ಮೋಹನ್‌ ಸಂಕಲನವಿದೆ. ವಿಜಯಲಕ್ಷೀಕಂಬೈನ್ಸ್‌ ನಡಿ ಡಾ.ಶಿವಪ್ಪ ನಿರ್ಮಾಣ ಮಾಡುತ್ತಿದ್ದಾರೆ. ದಸರಾ ಹಬ್ಬಕ್ಕೆ ಚಿತ್ರದ ಟ್ರೇಲರ್‌ ಬಿಡುಗಡೆ ಮಾಡಲು ಚಿತ್ರತಂಡ ತಯಾರಿ ಮಾಡಿಕೊಂಡಿದೆ
