ಮೋದಿ ಪಾದಪೂಜೆ ಮಾಡಿದರೆ ಶ್ರಮಜೀವಿಗಳ ಹೊಟ್ಟೆ ತುಂಬಲ್ಲ

ಕಲಬುರಗಿ: ಪಾದಪೂಜೆಯಿಂದ ಹೊಟ್ಟೆ ತುಂಬುವುದಿಲ್ಲ. ಬದಲಾಗಿ ಶ್ರಮಜೀವಿಗಳ ಮಕ್ಕಳಿಗೆ ಶಿಕ್ಷಣ, ಉದ್ಯೋಗ, ಹೊಟ್ಟೆ ತುಂಬ ಅನ್ನ ನೀಡಿದರೆ ಸಾರ್ಥಕತೆ ಉಂಟಾಗುತ್ತದೆ ಎಂದು ಕಾಂಗ್ರೆಸ್‌ ಸಂಸದೀಯ ನಾಯಕ ಡಾ.ಮಲ್ಲಿಕಾರ್ಜುನ ಖರ್ಗೆಯವರು ಪ್ರಧಾನಿ ನರೇಂದ್ರ ಮೋದಿಗೆ ಟಾಂಗ್‌ ನೀಡಿದರು.

ಅಫಜಲಪುರದಲ್ಲಿ ಮಾತನಾಡಿದ ಅವರು, ಪಾದಪೂಜೆ ಮಾಡುವುದು ಭಕ್ತಿಗೆ ಅನುಸಾರವಾದರೂ ಮೋದಿ ಅವರು ಶ್ರಮಜೀವಿಗಳ ಮಕ್ಕಳಿಗೆ ಕಾಯಕದ ಉದ್ಯೋಗ, ಶಿಕ್ಷಣ ಜತೆಗೆ ಅನ್ನ ನೀಡಿದರೆ ಹೆಚ್ಚು ಅರ್ಥ ಬರುತ್ತದೆ. ಇದರ ಬದಲು ಉದ್ಯೋಗ ಕಡಿತಗೊಳಿಸಿ, ಶಿಕ್ಷಣಕ್ಕೆ ಒತ್ತು ನೀಡದೆ ಮೇಲ್ನೋಟಕ್ಕೆ ಪಾದಪೂಜೆ ಮಾಡಿದರೆ ಏನು ಒಳಿತಾಗುತ್ತದೆ?. ಅಂಗೈಯಲ್ಲಿ ಕೈಲಾಸ ತೋರಿಸುವ ಬದಲು ಕಾಯಕದ ಮೂಲಕ ಕೈಲಾಸ ತೋರಿಸಬೇಕು. ಲೋಕಸಭಾಅಧಿವೇಶನದ ಕೊನೆಯ ದಿನದಂದು ಮೋದಿ ಅವರು  ನನ್ನ ಪ್ರಶ್ನೆಗಳಿಗೆ ಉತ್ತರ ನೀಡಲಿಲ್ಲ ಎಂದರು.