ಕರ್ನಾಟಕ ಸಂಘ ಕಲಾ ಭಾರತಿಯಿಂದ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮ

ಮುಂಬಯಿ: ಸುವರ್ಣ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ  ಕರ್ನಾಟಕ ಸಂಘ ಮುಂಬಯಿ ಇದರ ಕಲಾವೇದಿಕೆಯಾದ  ಕಲಾಭಾರತಿ ಆಶ್ರಯದಲ್ಲಿ  ಮಾ. 11 ರಂದು ಬೆಳಗ್ಗೆ  10 ರಿಂದ   ಆಮದ್‌ ಪ್ರತಿಷ್ಠಾನದವರ ಪ್ರಾಯೋಜಕತ್ವದಲ್ಲಿ  ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ  ಕಾರ್ಯಕ್ರಮ  ಆಯೋಜಿಸಲಾಗಿತ್ತು.

ಕಲಾವಿದರುಗಳಾದ  ಪ್ರವೀಣ್‌  ಕರಕರೆ ಅವರಿಂದ  ಏಕವ್ಯಕ್ತಿ ತಬಲಾ ವಾದನ  ಮತ್ತು  ಯಾದವರಾಜ್‌ ಫಾಡ್‌ ಅವರಿಂದ ಶಾಸ್ತ್ರೀಯ ಗಾಯನ ನಡೆಯಿತು.  ಪಕ್ಕವಾದಕರಾಗಿ ಸಿದ್ಧೇಶ್‌ ಬಿಚೋಲ್ಕರ್‌ ಮತ್ತು  ಗೋಪಾಲ ಸೂರ್ಯವಂಶಿ ಹಾಗೂ ಅವಿನಾಶ್‌ ಪಾಟೀಲ್‌ ಸಹಕರಿಸಿದರು.  ಸಂಘದ ಸಮರಸ ಭವನದಲ್ಲಿ ಜರಗಿದ ಕಾರ್ಯಕ್ರಮದಲ್ಲಿ  ಕಲಾರಸಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದರು.