Advertisement

ಮಾನ್‌ ಮದ್ಯ ಆರೋಪ: ಪರಿಶೀಲನೆಗೆ ಸಿಂಧಿಯಾ ಸಜ್ಜು 

11:15 PM Sep 20, 2022 | Team Udayavani |

ಹೊಸದಿಲ್ಲಿ: ಮದ್ಯ ಸೇವಿಸಿದ್ದರು ಎಂಬ ಕಾರಣಕ್ಕೆ ಪಂಜಾಬ್‌ ಮುಖ್ಯಮಂತ್ರಿ ಭಗವಂತ್‌ ಸಿಂಗ್‌ ಮಾನ್‌ರನ್ನು ಫ್ರಾಂಕ್‌ಫ‌ರ್ಟ್‌ ಏರ್‌ಪೋರ್ಟ್‌ನಲ್ಲಿ ವಿಮಾನದಿಂದ ಕೆಳಗಿಳಿಸಿದರು ಎಂಬ ಶಿರೋಮಣಿ ಅಕಾಲಿ ದಳದ ಆರೋಪ ಕುರಿತಂತೆ ಪರಿಶೀಲಿ­ಸುವುದಾಗಿ ಕೇಂದ್ರ ವಿಮಾನ­ಯಾನ ಸಚಿವ ಜ್ಯೋತಿರಾದಿತ್ಯ ಸಿಂದಿಯಾ ಮಂಗಳವಾರ ತಿಳಿಸಿದ್ದಾರೆ.

Advertisement

ಸಿಎಂ ಮಾನ್‌ ಮದ್ಯಪಾನ ಮಾಡಿದ್ದರಿಂದ ಅವರನ್ನು ದಿಲ್ಲಿಗೆ ಹೊರಡುತ್ತಿದ್ದ ವಿಮಾನದಿಂದ ಇಳಿಸಲಾಯಿತು. ಸಿಎಂ ಮಾನ್‌ ಅವರ ಇಂಥ ನಡವಳಿಕೆಯಿಂದ ಪಂಜಾಬ್‌ಗ ಅವಮಾನ­ವಾಗಿದೆ ಎಂದು ಸೋಮವಾರ ಅಕಾಲಿ ದಳದ ನಾಯಕ ಸುಖ್‌ಬೀರ್‌ ಸಿಂಗ್‌ ಬಾದಲ್‌ ಕಿಡಿಕಾರಿದ್ದರು. ಕಾಂಗ್ರೆಸ್‌ ಕೂಡ ಈ ಕುರಿತು ತನಿಖೆಗೆ ಆಗ್ರಹಿಸಿತ್ತು. ಇದಕ್ಕೆ ಮಂಗಳವಾರ ಪ್ರತಿಕ್ರಿಯಿಸಿ­ರುವ ಸಚಿವ ಸಿಂಧಿಯಾ, “ಇದು ವಿದೇಶಿ ನೆಲದಲ್ಲಿ ಆಗಿರುವ ಘಟನೆ. ಆದರೆ, ಇದು ಸತ್ಯವೋ, ಸುಳ್ಳೋ ಎಂಬುದನ್ನು ದೃಢಪಡಿಸಿಕೊಳ್ಳಬೇಕು. ಈ ಬಗ್ಗೆ ಪರಿಶೀಲಿಸುತ್ತೇನೆ’ ಎಂದಿದ್ದಾರೆ.

ಇನ್ನು, ಘಟನೆ ಬಗ್ಗೆ ಮಾತನಾಡಿರುವ ಆಪ್‌ ನಾಯಕ ಕೇಜ್ರಿವಾಲ್‌, “ಭಗವಂತ್‌ ಮಾನ್‌ ಅವರು ಮಾಡುತ್ತಿರುವ ಕೆಲಸದಲ್ಲಿ ಯಾವುದೇ ಲೋಪ ಸಿಗದ ಕಾರಣ, ಅವರ ಮುಖಕ್ಕೆ ಮಸಿ ಬಳಿಯಲು ವಿಪಕ್ಷಗಳು ಇಂಥ ಸುಳ್ಳು ಆರೋಪಗಳನ್ನು ಹಬ್ಬಿಸುತ್ತಿವೆ’ ಎಂದಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next