ಉತ್ತಮ ಕೆಲಸಗಾರರು ಕಸಾಪ ಅಧ್ಯಕ್ಷರಾಗಲಿ : ಮುರುಘಾ ಶ್ರೀ

ಚಿತ್ರದುರ್ಗ: ಐದು ವರ್ಷದ ಅವಧಿ ಪೂರ್ತಿ ಉತ್ತಮ ಕೆಲಸ ಮಾಡುವಂಥವರು ಕನ್ನಡ ಸಾಹಿತ್ಯ ಪರಿಷತ್‌ ಪ್ರವೇಶ ಮಾಡಲಿ ಎಂದು ಡಾ| ಶಿವಮೂರ್ತಿ ಮುರುಘಾ ಶರಣರು ಹೇಳಿದರು.

ಮುರುಘಾ ಮಠಕ್ಕೆ ಭೇಟಿ ನೀಡಿದ್ದ ಕನ್ನಡ ಸಾಹಿತ್ಯ ಪರಿಷತ್‌ ಜಿಲ್ಲಾಧ್ಯಕ್ಷ ಸ್ಥಾನದ ಆಕಾಂಕ್ಷಿಗಳನ್ನುದ್ದೇಶಿಸಿ ಮಾತನಾಡಿದ ಅವರು, ಈ ಬಾರಿ ಕಸಾಪ ಜಿಲ್ಲಾಧ್ಯಕ್ಷ ಸ್ಥಾನಕ್ಕೆ ಆಕಾಂಕ್ಷಿಗಳ ಸಂಖ್ಯೆ ಹೆಚ್ಚಾಗಿದೆ. ಆದರೆ ಸದಾ ಕನ್ನಡಪರ ಹೋರಾಟ ಮತ್ತು ಸಾಹಿತ್ಯ ಸೇವೆ ಮಾಡುವಂತವರಿಗೆ ಅವಕಾಶ ಸಿಗುವುದು ನಿಶ್ಚಿತ ಎಂದರು.

ಹಿರಿಯ ಸಾಹಿತಿ ತಿಪ್ಪಣ್ಣ ಮರಿಕುಂಟೆ, ಚಿನ್ಮೂಲಾದ್ರಿ ಸಾಹಿತ್ಯ ಸಾಂಸ್ಕೃತಿಕ ವೇದಿಕೆ ಜಿಲ್ಲಾಧ್ಯಕ್ಷೆ ದಯಾ ಪುತ್ತೂರ್ಕರ್‌, ಸಾಮಾಜಿಕ ಹೋರಾಟಗಾರರಾದ ಎಸ್‌. ಎಚ್‌. ಸೈಯದ್‌, ನಗರಂಗೆರೆ ಎಸ್‌. ರವಿ, ವಿಶ್ವಕರ್ಮ ಸಮಾಜದ ಮುಖಂಡ ಆರ್‌. ಪ್ರಸನ್ನಕುಮಾರ್‌, ಪುರಸಭೆ ಮಾಜಿ ಸದಸ್ಯ ಎಂ. ಚೇತನ್‌ಕುಮಾರ್‌ ಮತ್ತಿತರರು ಇದ್ದರು.