Badminton; ರ್‍ಯಾಂಕಿಂಗ್‌ನಲ್ಲಿ ಕುಸಿತ ಕಂಡ ಚಿರಾಗ್‌ ಶೆಟ್ಟಿ-ಸಾತ್ವಿಕ್‌

ಹೊಸದಿಲ್ಲಿ: ಮಂಗಳವಾರ ಬಿಡುಗಡೆಗೊಂಡ ನೂತನ ಬ್ಯಾಡ್ಮಿಂಟನ್‌ ರ್‍ಯಾಂಕಿಂಗ್‌ನಲ್ಲಿ ಭಾರತದ ಚಿರಾಗ್‌ ಶೆಟ್ಟಿ-ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ 3ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಚೀನದ ಲಿಯಾಂಗ್‌ ವೀ ಕೆಂಗ್‌-ವಾಂಗ್‌ ಚಾಂಗ್‌ ನೂತನ ನಂ. 1 ಜೋಡಿಯಾಗಿದ್ದಾರೆ.

ಡೆನ್ಮಾರ್ಕ್‌ನ ಕಿಮ್‌ ಆ್ಯಸ್ಟ್ರಪ್‌-ಆ್ಯಂಡರ್ ಸ್ಕಾರುಪ್‌ 2 ಸ್ಥಾನ ಮೇಲೇರಿ ದ್ವಿತೀಯ ಸ್ಥಾನ ತಲುಪಿದ್ದಾರೆ.

ಸಿಂಗಲ್ಸ್‌ನಲ್ಲಿ ಎಚ್‌.ಎಸ್‌. ಪ್ರಣಯ್‌ (10) ಮತ್ತು ಲಕ್ಷ್ಯ ಸೇನ್‌ (14) ಅಗ್ರ ಹತ್ತರಲ್ಲಿ ಉಳಿದುಕೊಂಡಿದ್ದಾರೆ. ಕೆ. ಶ್ರೀಕಾಂತ್‌ ಅವರ ರ್‍ಯಾಂಕಿಂಗ್‌ನಲ್ಲಿ 4 ಸ್ಥಾನಗಳ ಕುಸಿತ ಸಂಭವಿಸಿದೆ (32), ಪ್ರಿಯಾಂಶು ರಾಜಾವತ್‌ (34) ಮತ್ತು ಕಿರಣ್‌ ಜಾರ್ಜ್‌ (35) ಒಂದು ಸ್ಥಾನ ಮೇಲೇರಿದ್ದಾರೆ.