ಚೀನ: ವಿದೇಶಿ ಮೋಟಾರು ವಾಹನ ತಯಾರಕರ ಮಾಲಕತ್ವ ಪರಿಮಿತಿ ತೆರವು

ಬೀಜಿಂಗ್‌ : ವಿದೇಶಿ ಮೋಟಾರು ವಾಹನ ಉತ್ಪಾದಕರ ಮೇಲಿನ ಮಾಲಕತ್ವ ಪರಿಮಿತಿಯನ್ನು ತೆರವುಗೊಳಿಸುವ ಕಾಲಮಿತಿಯನ್ನು ಚೀನ ಇಂದು ಮಂಗಳವಾರ ಪ್ರಕಟಿಸಿದೆ. 

ಅಮೆರಿಕ ಮತ್ತು ಯುರೋಪ್‌ನ ದೀರ್ಘ‌ಕಾಲಿನವಾದ ಈ ಬೇಡಿಕೆಯನ್ನು ಈಡೇರಿಸಲಾಗುವುದೆಂದು ಚೀನ ಅಧ್ಯಕ್ಷ ಕ್ಸಿ ಜಿನ್‌ ಪಿಂಗ್‌ ಅವರು ಕಳೆದ ವಾರ ಪ್ರಕಟಿಸಿದ್ದರು. 

ಹೊಸ ಇಂಧನ ಮೋಟಾರು ವಾಹನಗಳ ಕಂಪೆನಿಯ ಶೇರುದಾರಿಕೆ ಮಿತಿಯನ್ನು ಈ ವರ್ಷ ಚೀನ ಕೊನೆಗೊಳಿಸಲಿದೆ. ಇದನ್ನು ಅನುಸರಿಸಿ 2020ರಲ್ಲಿ ವಾಣಿಜ್ಯ ವಾಹನಗಳು ಮತ್ತು 2022ರಲ್ಲಿ ಪ್ರಯಾಣಿಕರ ಕಾರುಗಳ ಪರಿಮಿತಿಯನ್ನು ಕೊನೆಗೊಳಿಸಲಾಗುವುದು ಎಂದು ಚೀನದ ರಾಷ್ಟ್ರೀಯ ಅಭಿವದೃಇœ ಮತ್ತು ಸುಧಾರಣಾ ಆಯೋಗ ಹೇಳಿದೆ.