ಮಕ್ಕಳ ದಿನಾಚರಣೆಗೆ ಮುಂಬೈ ಬಾಲಕಿ ರಚಿಸಿದ ವಿಶೇಷ ಗೂಗಲ್ ಡೂಡಲ್

ನವದೆಹಲಿ:ಮಕ್ಕಳ ದಿನಾಚರಣೆ ಹಿನ್ನೆಲೆಯಲ್ಲಿ ಗೂಗಲ್ ಬುಧವಾರ ಮುಂಬೈ ಶಾಲಾ ಬಾಲಕಿಯೊಬ್ಬಳು ರಚಿಸಿರುವ ಡೂಡಲ್ ಮೂಲಕ ಗಮನ ಸೆಳೆದಿದೆ.

ಮುಂಬೈನ ಪಿಂಗಾಲಾ ರಾಹುಲ್ ರಚಿಸಿರುವ ಡೂಡಲ್ ಅನ್ನು ಈ ಬಾರಿ ಗೂಗಲ್ ಮಕ್ಕಳ ದಿನಾಚರಣೆಗೆ ವಿಶೇಷವಾಗಿ ಬಳಸಿಕೊಂಡಿದೆ. 2018ರಲ್ಲಿ ಭಾರತದಲ್ಲಿ ಏರ್ಪಡಿಸಿದ್ದ ಡೂಡಲ್ 4 ಗೂಗಲ್ ಸ್ಪರ್ಧೆಯಲ್ಲಿ ರಾಹುಲ್ ವಿಜೇತರಾಗಿದ್ದಳು.

“ನನ್ನ ಮೇಲೆ ಪ್ರಭಾವ ಬೀರಿದ್ದು: ಎಂಬ ವಿಷಯದ ಮೇಲೆ ಗೂಗಲ್ ಈ ಡೂಡಲ್ ಸ್ಪರ್ಧೆಯನ್ನು ಏರ್ಪಡಿಸಿತ್ತು. ಈ ನಿಟ್ಟಿನಲ್ಲಿ ಪಿಂಗಾಲಾ ಬಾಹ್ಯಾಕಾಶ ಪರಿಶೋಧನೆ ಧ್ಯೇಯವನ್ನಿಟ್ಟುಕೊಂಡು ಈ ಡೂಡಲ್‌ ರಚಿಸಿದ್ದ.

ನನ್ನ ಡೂಡಲ್ ನಲ್ಲಿ ನನ್ನ ಮೇಲೆ ಪ್ರಭಾವ ಬೀರಿದ್ದನ್ನು ಪ್ರತಿಬಿಂಬಿಸಿದ್ದೇನೆ. ನಾನು ನಿಜಕ್ಕೂ ಬಾಹ್ಯಾಕಾಶ ಸಂಶೋಧನೆಯಿಂದ ಪ್ರಭಾವಿತಗೊಂಡಿದ್ದೆ. ಹೀಗಾಗಿ ಬಾಹ್ಯಾಕಾಶದ ಬಗ್ಗೆ ತಿಳಿದುಕೊಳ್ಳಬೇಕಾಗಿರುವುದು ಬಹಳಷ್ಟು ಇದೆ ಎಂದು ರಾಹುಲ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಳು.