ಮೂರು ಕಣ್ಣುಳ್ಳ ಕರುವಿಗೆ ಜನ್ಮವಿತ್ತ ಗೋ ಮಾತೆ !

ಛತ್ತೀಸ್‌ಗಡ : ರಾಜನಾಂದ್‌ಗಾವ್‌ನ ಲೋಧಿ ಗ್ರಾಮದ ನಿವಾಸಿ ಹೇಮಂತ್‌ ಚಂಡೇಲ್‌ ಅವರ ಮನೆಯ ಜೆರ್ಸಿ ಆಕಳು ಮೂರು ಕಣ್ಣುಗಳಿರುವ ಕರುವಿಗೆ ಜನ್ಮನೀಡಿದೆ.

ಹಣೆಯ ಮೇಲೆ ಮೂರನೇ ಕಣ್ಣುನ್ನು ಹೊತ್ತಿರುವ ಈ ಕರು ಸಂಕ್ರಾಂತಿಯ ಹಿಂದಿನ ದಿನವಾದ ಜ.13ರಂದು ಜನಿಸಿದೆ.

ವಿಶೇಷವೆಂದರೆ ಆ ಕರುಗೆ ನಾಲ್ಕು ಮೂಗಿನ ಹೊಳ್ಳೆಗಳೂ ಇವೆ. ಈ ಕರುವಿನ ವಿಚಾರ ಸುತ್ತಮುತ್ತಲಿನ ಹಳ್ಳಿಗೆಲ್ಲ ಹಬ್ಬಿದ್ದು, ಜನರು ಕರುವನ್ನು ದೇವರೆಂದು ಪೂಜಿಸಲಾರಂಭಿಸಿದ್ದಾರೆ. ಅದನ್ನು ನೋಡಲೆಂದೇ ದೂರ ದೂರುಗಳಿಂದ ಬಂದು ಹೋಗುತ್ತಿದ್ದಾರೆ ಎಂದು ಹೇಮಂತ್‌ ತಿಳಿಸಿದ್ದಾರೆ.