Advertisement
ತೆಲಂಗಾಣ‌ದಲ್ಲಿ ನಡೆದ ರಾಷ್ಟ್ರಮಟ್ಟದ ಚೆಸ್‌ ಪಂದ್ಯಾಟದಲ್ಲಿ ಕೇರಳವನ್ನು ಪ್ರತಿನಿದೀಕರಿಸಿ ವೈಯುಕ್ತಿಕ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಗಳಿಸಿರುವ ಗಾನ ಸಮೃದ್ಧಿ ಪ್ರತಿಭಾವಂತ ವಿದ್ಯಾರ್ಥಿನಿ. ಚೆಸ್‌, ಚಿತ್ರಕಲೆ, ಸಂಗೀತ, ನೃತ್ಯಗಳಲ್ಲಿ ಪಳಗಿರುವ ಈಕೆಗೆ ಕೂಚುಪ್ಪುಡಿ ಹಾಗೂ ಜಾನಪದ ನೃತ್ಯಗಳಲ್ಲಿ ರೆಜಿ ಮಾಸ್ಟರ್ ಕಾಂಞಂಗಾಡ್‌ ಮಾರ್ಗದರ್ಶಕರಾಗಿದ್ದಾರೆ. ಮಂಗಳೂರು ಡೆರಿಕ್‌ ಚೆಸ್‌ ಸ್ಕೂಲಿನ ಬೇಸಗೆ ಶಿಬಿರಗಳಲ್ಲಿ ಭಾಗವಹಿಸಿ ತರಭೇತಿ ಪಡೆದಿರುವ ಅವರಿಗೆ ಮೊದಲಿಗೆ ಕಾಂಞಗಾಂಡ್‌ ರಾಮನ್‌ ನಂಬೂದಿರಿ ತರಭೇತುದಾರರಾಗಿದ್ದರು. ಪ್ರಸ್ತುತ ಸುಬ್ರಹ್ಮಣ್ಯ ಕಾಂಞಗಾಂಡ್‌ ಅವರಿಂದ ಹೆಚ್ಚಿನ ತರಭೇತಿಯನ್ನು ಪಡೆಯುತ್ತಿದ್ದಾರೆ. ಮುಳ್ಳೇರಿಯ ಅಕ್ಷರಧಾಮ ಫೌಂಡೇಶನ್‌, ಕಾಸರಗೋಡು ಚೆಸ್‌ ಪೇರೆಂಟ್ಸ್‌ ಫೋರಮ್‌ ಪ್ರೋತ್ಸಾಹವೂ ಇವರಿಗಿದೆ. ಕಾಸರಗೋಡು ಚೆಸ್‌ ಅಸೋಸಿಯೇಶನ್‌ ನ ರಾಜೇಶ್‌ ಮಾಸ್ಟರ್ ಅವರ ಉತ್ತಮ ಮಾರ್ಗದರ್ಶನ, ಹೆತ್ತವರ ಪ್ರೋàತ್ಸಾಹ ಈ ಸಾಧಕರಿಗಿದೆ. ಪನೆಯಾಲ ಶಾಸ್ತಾರ ಎ.ಎಲ್‌.ಪಿ. ಶಾಲೆ ಹಾಗೂ ಏತಡ್ಕ ಎ.ಯು.ಪಿ.ಶಾಲೆ ಯ ಹಳೇ ವಿದ್ಯಾಥಿಗಳಾಗಿದ್ದು ಪ್ರಸ್ತುತ ಅನ್ನಪೂರ್ಣೇಶ್ವರಿ ಹೈಯರ್‌ ಸೆಕೆಂಡರಿ ಶಾಲೆಯಲ್ಲಿ ಪ್ಲಸ್‌ ವನ್‌ ಹಾಗೂ ಎಂಟನೇ ತರಗತಿಯ ವಿದ್ಯಾರ್ಥಿಗಳಾಗಿದ್ದಾರೆ. ತರಬೇತಿ ಪಡೆದು ಹೆಚ್ಚಿನ ಸಾಧನೆ ಮಾಡುವ ಕನಸು ಹೊತ್ತಿರುವ ಪುಟಾಣಿಗಳು ಜಿಲ್ಲೆಯ ಶ್ರೇಯಾಂಕಿತ ಆಟಗಾರೆಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಚದುರಂಗದ ಚೌಕದೊಳಗೆ ಕಪ್ಪು ಬಿಳುಪು ಕಾಯಿಗಳ ರಣಾಂಗಣದಲ್ಲಿ ವಿಜಯದ ಮೆಟ್ಟಿಲನ್ನು ಏರುತ್ತಿರುವ ಈ ಅಣ್ಣ ತಂಗಿಯರ ಸಾಧನೆ ಅಪಾರವಾದುದು. ತಮ್ಮದೇ ಆದ ವಿಶಿಷ್ಟ ಚಲನೆಗಳ ಮೂಲಕ ಎದುರಾಳಿಯನ್ನು ಬುದ್ಧಿಯ ಖಡ್ಗದಲ್ಲಿ ಕೊಚ್ಚಿಹಾಕುವ ಜಾಣತನ ಇವರ ಆಯುಧ. ಕಿರಿಯರಾದರೂ ಪ್ರಯತ್ನ, ಬೆಂಬಲ, ಪ್ರೋತ್ಸಾಹಗಳು ಮುನ್ನಡೆಸಿದ ದೂರ ಬೆರಗುಮೂಡಿಸುತ್ತದೆ. ಎ.ಎಲ್‌. ಪಿ. ಶಾಲೆ ಪನೆಯಾಲದಲ್ಲಿ ಮುಖ್ಯೋಪಾಧ್ಯಾಯರಾಗಿರುವ ಗೋಪಾಲಕೃಷ್ಣ ಭಟ್‌ ಹಾಗೂ ನಯನ ದಂಪತಿಯ ಮಕ್ಕಳಾದ ಗಗನ್‌ ಭಾರದ್ವಾಜ್‌ ಹಾಗೂ ಗಗನ ಸಮೃದ್ಧಿ ಚಿಕ್ಕ ವಯಸ್ಸಿನಲ್ಲಿ ದೊಡ್ಡ ಸಾಧನೆಯನ್ನು ಮಾಡಿರುವ ಗಡಿನಾಡಿನ ಹೆಮ್ಮೆಯ ಪ್ರತಿಭೆಗಳು.