Parliament ಹೊಗೆ ಬಾಂಬ್‌’: 1,000 ಪುಟಗಳ ಚಾರ್ಜ್‌ಶೀಟ್‌ ಸಲ್ಲಿಕೆ

ಹೊಸದಿಲ್ಲಿ: 2023, ಡಿ.13ರಂದು ಸಂಸತ್‌ನಲ್ಲಿ “ಹೊಗೆ ಬಾಂಬ್‌’ ಸಿಡಿಸಿದ್ದ 6 ಮಂದಿಯ ವಿರುದ್ಧ ದಿಲ್ಲಿ ವಿಶೇಷ ತಂಡ 1,000 ಪುಟಗಳ ಆರೋಪಪಟ್ಟಿ ಸಲ್ಲಿಸಿದೆ. ಪಟಿಯಾಲಾ ಹೌಸ್‌ ಕೋರ್ಟ್‌ ನಲ್ಲಿ ಚಾರ್ಜ್‌ಶೀಟ್‌ ಸಲ್ಲಿಕೆ ಮಾಡಿರುವ ಪೊಲೀಸರು, ಪೂರಕ ಚಾರ್ಜ್‌ ಶೀಟ್‌ ಸಲ್ಲಿಕೆಗೆ ಇನ್ನೆರಡು ವಾರ ಸಮಯ ಕೇಳಿದ್ದಾರೆ.

ಜು.15ಕ್ಕೆ ಮುಂದಿನ ವಿಚಾರಣೆ ನಿಗದಿಪಡಿಸಿರುವ ನ್ಯಾಯಾಲಯ, ಅಲ್ಲಿಯವರೆಗೆ ಆರೋಪಿಗಳಾದ ಡಿ. ಮನೋರಂಜನ್‌, ಲಲಿತ್‌ ಝಾ, ಅಮೋಲ್‌ ಶಿಂಧೆ, ಮಹೇಶ್‌ ಕುಮಾ ವತ್‌, ಸಾಗರ್‌ ಶರ್ಮ, ನೀಲಮ್‌ ಆಜಾದ್‌ ನ್ಯಾಯಾಂಗ ಬಂಧನ ವಿಸ್ತರಿಸಿದೆ. ಆರೋಪಿಗಳ ವಿರುದ್ಧ ಯುಎಪಿಎ ಅನ್ವಯ ಆರೋಪ ಹೊರಿಸಲಾಗಿದೆ.