BSI ಮಾನದಂಡದಲ್ಲಿ ಬದಲಾವಣೆ: ಆ.1ರಿಂದ ಪಾದರಕ್ಷೆ ದುಬಾರಿ?

ಹೊಸದಿಲ್ಲಿ: ಆಗಸ್ಟ್‌ 1ರಿಂದ ಜಾರಿಯಾಗಲಿರುವ ಹೊಸ ಗುಣಮಟ್ಟದ ಮಾನದಂಡಗಳಿಂದಾಗಿ ಪಾದರಕ್ಷೆಗಳ ಬೆಲೆ ದುಬಾರಿಯಾಗುವ ಸಾಧ್ಯತೆಗಳು ಹೆಚ್ಚಿವೆ. ಬ್ಯೂರೋ ಆಫ್ ಇಂಡಿಯನ್‌ ಸ್ಟಾಂಡರ್ಡ್ಸ್‌ (ಬಿಎಸ್‌ಐ) ಗುಣಮಟ್ಟಕ್ಕೆ ಅನುಗುಣವಾಗಿ ಶೂಗಳು, ಸ್ಯಾಂಡಲ್ಸ್‌ ಮತ್ತು ಸ್ಲಿಪರ್‌ಗಳನ್ನು ಮಾರಾಟ ಮಾಡಬೇಕಾಗುತ್ತದೆ.

ಈವರೆಗೆ ಭಾರತದಲ್ಲಿ ಮಾರಾಟವಾಗುವ ಪಾದರಕ್ಷೆಗಳಿಗೆ ವಿದೇಶಿ ಗುಣಮಟ್ಟದ ಮಾನದಂಡಗಳನ್ನು ಅನುಸರಿಸಲಾಗುತ್ತಿದೆ. ಈಗ ಇದೇ ಮೊದಲ ಭಾರತವು ತನ್ನದೇ ಆದ ಗುಣಮಟ್ಟ ನಿಯಂತ್ರಣ ಸಂಸ್ಥೆಯನ್ನು ಜಾರಿಗೊಳಿಸಿದೆ. ಇದರ ಅಡಿಯಲ್ಲಿ ಪಾದರಕ್ಷೆಯ ಒಳಪದರದಿಂದ ಹೊರಗಿನ ವಸ್ತುವಿನವರೆಗೆ, ರಾಸಾಯನಿಕ ಸಂಯೋಜನೆ, ಬಾಳಿಕೆ ಹಾಗೂ ನಮ್ಯತೆಯ ಪರೀಕ್ಷೆಗೆ ಒಳಪಡುತ್ತವೆ. ವಾರ್ಷಿಕ ಆದಾಯ 50 ಕೋಟಿ ರೂ. ಒಳಗೆ ಇರುವ ತಯಾರಕರಿಗೆ ಈ ನಿಯಮ ಅನ್ವಯಿಸುವುದಿಲ್ಲ. ಮಾರಾಟಗಾರರು ಹಳೆಯ ದಾಸ್ತಾನನ್ನು ಎಂದಿನಂತೆ ಮಾರಾಟ ಮಾಡಬಹುದಾದರೂ, ಬಿಐಎಸ್‌ ವೆಬ್‌ಸೈಟ್‌ನಲ್ಲಿ ಹಳೆಯ ದಾಸ್ತಾನಿನ ಬಗ್ಗೆ ಮಾಹಿತಿ ನೀಡಬೇಕು ಎಂದು ತಿಳಿಸಲಾಗಿದೆ.