Bengal: ದುರ್ಗಾ ಪೂಜೆಯಲ್ಲಿ ಕಾಣಿಸಲಿದೆ ಚಂದ್ರಯಾನ-3

ಕೋಲ್ಕತ: ಬಂಗಾಳದಲ್ಲಿ ದುರ್ಗಾಪೂಜೆಯನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಅಲ್ಲಿ ದೇವಿಯನ್ನು ಆಧುನಿಕ ರೂಪಗಳಲ್ಲಿ ಅಲಂಕರಿಸಿ ಭಕ್ತರು ಸಂಭ್ರಮಿಸುತ್ತಾರೆ. ಈ ಬಾರಿ ಕೋಲ್ಕತದ ದುರ್ಗಾ ಪೂಜಾ ಸಮಿತಿಯೊಂದು, ಇಸ್ರೋ ನಡೆಸಿದ ಐತಿಹಾಸಿಕ ಚಂದ್ರಯಾನ-3ಯನ್ನು ದುರ್ಗಾ ಪೂಜೆಯಲ್ಲಿ ಪ್ರತಿಬಿಂಬಿಸಲು ತೀರ್ಮಾನಿಸಿದೆ.

ಚಂದ್ರಯಾನ-3 ನೌಕೆಯಲ್ಲಿದ್ದ ವಿಕ್ರಮ್‌ ಲ್ಯಾಂಡರ್‌ನ ಪ್ರತಿಕೃತಿಯಲ್ಲಿ ದುರ್ಗಾ ಮೂರ್ತಿಯನ್ನು ನಿಲ್ಲಿಸಲಾಗುತ್ತದೆ. ಪ್ರಜ್ಞಾನ್‌ ರೋವರ್‌ನ ಪ್ರತಿಕೃತಿಯೂ ಅಲ್ಲಿರಲಿದೆ. ಈ ಮೂಲಕ ಇಸ್ರೋ ವಿಜ್ಞಾನಿಗಳಿಗೆ ನಾವು ಕೃತಜ್ಞತೆ, ಗೌರವವನ್ನು ತೋರುತ್ತೇವೆ ಎಂದು ನೇತಾಜಿ ನ್ಪೋರ್ಟ್ಸ್ ಕ್ಲಬ್‌ ಸದಸ್ಯ ಅನಿರ್ಬನ್‌ ರಾಯ್‌ ಹೇಳಿದ್ದಾರೆ. ಪೂಜಾ ಸಮಿತಿ, ಪೆಂಡಾಲ್‌ಗೆ ಚಂದ್ರಲೋಕ-ಎ ಉಮಾ ಎಂದು ಹೆಸರಿಟ್ಟಿದೆ.