ಚಂದ್ರಯಾನ-3:ಗಗನನೌಕೆ ಫೋಟೋ ರಿಲೀಸ್‌

ನವದೆಹಲಿ: ಭಾರತದ ಬಹುನಿರೀಕ್ಷಿತ ಬಾಹ್ಯಾಕಾಶ ಯೋಜನೆ ಚಂದ್ರಯಾನ-3ರ ಗಗನ ನೌಕೆಯ ಮೊದಲ ಫೋಟೋವನ್ನು ಗುರುವಾರ ಇಸ್ರೋ ಬಿಡುಗಡೆಗೊಳಿಸಿದೆ. ಜಿಎಸ್‌ಎಲ್‌ವಿ ಉಡಾವಣಾ ವಾಹನದ ಜತೆಗೆ ಮಷೀನ್‌ ಸಂಯೋಜನೆ ಕಾರ್ಯವನ್ನು ಇಸ್ರೋ ನಡೆಸುತ್ತಿದೆ. ಇದೇ ವೇಳೆ ಮೊದಲ ಚಿತ್ರಪಟಗಳನ್ನು ಬಿಡುಗಡೆಗೊಳಿಸಿದೆ. ಜು.12 ರಿಂದ ಜು.19ರ ಒಳಗೆ ಬಾಹ್ಯಾಕಾಶ ನೌಕೆ ಉಡಾವಣೆಗೆ ಯೋಜಿಸಲಾಗಿದೆ. ಜಿಎಸ್‌ಎಲ್‌ವಿ ಚಂದ್ರನಲ್ಲಿಗೆ ತಲುಪಲಿರುವ ದೇಶದ ಅತೀ ಭಾರವಾದ ರಾಕೆಟ್‌ ಆಗಿರಲಿದ್ದು, ಕಳೆದ ಬಾರಿಯ ದೋಷಗಳನ್ನು ಗಮನದಲ್ಲಿಟ್ಟುಕೊಂಡು ಈ ಬಾರಿ ಯೋಜನೆಯನ್ನು ರೂಪಿಸಲಾಗಿದೆ ಎಂದು ಇಸ್ರೋ ಮುಖ್ಯಸ್ಥ ಎಸ್‌.ಸೋಮನಾಥ್‌ ಹೇಳಿದ್ದಾರೆ.