ಕಳೆದ ಕೆಲ ವರ್ಷಗಳಿಂದ ಕನ್ನಡ ರ್ಯಾಪರ್‌ ಚಂದನ್‌ ಶೆಟ್ಟಿ ಪ್ರತಿವರ್ಷ ಡಿಸೆಂಬರ್‌ ತಿಂಗಳ ಕೊನೆಯಲ್ಲಿ ಒಂದಲ್ಲಾ ಒಂದು ಪಾರ್ಟಿ ಸಾಂಗ್‌ ಬಿಡುಗಡೆ ಮಾಡುತ್ತಲೇ ಬಂದಿದ್ದಾರೆ. ಈ ವರ್ಷ ಡಿಸೆಂಬರ್‌ ತಿಂಗಳಲ್ಲೂ ಕೂಡ ಚಂದನ್‌ ಶೆಟ್ಟಿ ಅಂಥದ್ದೇ ಮತ್ತೂಂದು ಪಾರ್ಟಿ ಸಾಂಗ್‌ ಬಿಡುಗಡೆ ಮಾಡಿದ್ದಾರೆ.
ಹೌದು, ಈ ಬಾರಿ ಕೂಡ ಚಂದನ್‌ ಶೆಟ್ಟಿ, ವಾಟ್‌ ಟು ಡು ಮಾಮ? ಎಂಬ ಅಪ್ಪಟ್ಟ ದೇಸಿ ಶೈಲಿಯ ಟಪ್ಪಾಂಗುಚಿ ಪಾರ್ಟಿ ಹಾಡನ್ನು ವರ್ಷದ ಕೊನೆಗೆ ಬಿಡುಗಡೆ ಮಾಡಿದ್ದಾರೆ.
“ಪ್ರಾಬ್ಲಿಂ ಪ್ರಾಬ್ಲಿಂ ಪ್ರಾಬ್ಲಿಂ ವಾಟ್‌ ಟು ಡು ಮಾಮ?’ ಎಂದು ಶುರುವಾಗುವ ಈ ಹಾಡಿನಲ್ಲಿ ಹದಿಹರೆಯದ ಹುಡುಗರ ಸಮಸ್ಯೆಗಳನ್ನು ಹಾಸ್ಯಭರಿತವಾಗಿ ಬಿಂಬಿಸಲಾಗಿದೆ. ಇಲ್ಲಿಯವರೆಗೆ ಬಿಡುಗಡೆಯಾಗಿರುವ ಚಂದನ್‌ ಶೆಟ್ಟಿ ಅವರ ರ್ಯಾಪ್ ಸಾಂಗ್ಸ್‌ ಹೆಚ್ಚಾಗಿ ಪಬ್‌ಗಳ ಮೇಲೆ ಕೇಂದ್ರಿಕೃತವಾಗಿರುತ್ತಿತ್ತು. ಆದರೆ ಈ ಹಾಡು ಪಕ್ಕಾ ಲೋಕಲ್‌ ಸ್ಟೆçಲ್‌ನಲ್ಲಿ ಮೂಡಿಬಂದಿದೆ. ಕಂಠೀರವ ಸ್ಟುಡಿಯೋದಲ್ಲಿ ಬಾರ್‌ ಸೆಟ್‌ ಹಾಕಿ ಈ ಹಾಡನ್ನು ಚಿತ್ರೀಕರಣ ಮಾಡಲಾಗಿದೆ.
ಚಂದನ್‌ ಶೆಟ್ಟಿ ಈ ಹಾಡಿನಲ್ಲಿ ಪಕ್ಕಾ ಲೋಕಲ್‌ ಹುಡುಗನಾಗಿ ಕಾಣಿಸಿಕೊಂಡಿದ್ದಾರೆ. ನಟ ರಂಗಾಯಣ ರಘು ಈ ಹಾಡಿನಲ್ಲಿ ಚಂದನ್‌ ಶೆಟ್ಟಿ ಸೋದರ ಮಾವನ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಜನಪ್ರಿಯ ರಿಯಾಲಿಟಿ ಶೋ ಗಿಚ್ಚಿ ಗಿಲಿಗಿಲಿಯ ಕಲಾವಿದರಾದ ರಾಘವೇಂದ್ರ, ಆರ್‌. ಜೆ. ವಿಕ್ಕಿ, ಹುಲಿ ಕಾರ್ತಿಕ್‌, ನಿತಿನ್‌ ಅಮಿನ್‌, ಶಿಡ್‌ ಶ್ಯಾಡೋ ಶಿವ, ಎನ್‌. ಸಿ ಅಯ್ಯಪ್ಪ ಮುಂತಾದವರು ಈ ಹಾಡಿನಲ್ಲಿ ಹೆಜ್ಜೆ ಹಾಕಿದ್ದಾರೆ.
