Advertisement
ಈ ನಡುವೆ ತನಿಖಾ ಸಂಸ್ಥೆಗೆ ಹೊಸ ಸಿಸಿಟಿವಿ ದೃಶ್ಯಾವಳಿಯೊಂದು ಸಿಕ್ಕಿದ್ದು ಇದರಲ್ಲಿ ಆರೋಪಿ ಸಂಜಯ್ ರಾಯ್ ಕುರಿತ ಭಯಾನಕ ಮಾಹಿತಿಯೊಂದು ಲಭ್ಯವಾಗಿದೆ ಮಾಹಿತಿಯ ಪ್ರಕಾರ, ಆರೋಪಿ ಸಂಜಯ್ ಅತ್ಯಾಚಾರ ಮತ್ತು ಕೊಲೆಗೆ ಒಂದು ದಿನ ಮೊದಲು ವೈದ್ಯೆಯ ಬಳಿಯೇ ಇದ್ದ ಅಲ್ಲದೆ ಆಕೆಯನ್ನು ದಿಟ್ಟಿಸಿಕೊಂಡು ನೋಡುತ್ತಿರುವುದು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ತನಿಖಾ ಸಂಸ್ಥೆ ಮಾಹಿತಿಯಂತೆ ಕೃತ್ಯ ನಡೆಯುವ ಒಂದು ದಿನದ ಮೊದಲು ಬೆಳಿಗ್ಗೆ 11 ಗಂಟೆಯ ಸುಮಾರಿಗೆ ಸಂಜಯ್ ವಾರ್ಡ್ ನಲ್ಲೆ ಇದ್ದ ಎನ್ನಲಾಗಿದ್ದು ಅದೇ ಸಮಯದಲ್ಲಿ ಟ್ರೈನಿ ವೈದ್ಯೆ ಸೇರಿದಂತೆ ಇತರ ನಾಲ್ವರು ಕಿರಿಯ ವೈದ್ಯರು ಸಹ ಅಲ್ಲಿದ್ದರು ಎಂದು ಸಿಸಿಟಿವಿ ದೃಶ್ಯಾವಳಿಗಳು ಖಚಿತಪಡಿಸಿದೆ. ಅಲ್ಲದೆ ಸಂಜಯ್ ಟ್ರೈನಿ ವೈದ್ಯೆಯನ್ನೇ ದಿಟ್ಟಿಸಿಕೊಂಡು ನೋಡುತ್ತಿರುವುದು ದೃಶ್ಯದಲ್ಲಿ ಸೆರೆಯಾಗಿದೆ ಎನ್ನಲಾಗಿದೆ. ಘಟನೆಗೆ ಸಂಬಂಧಿಸಿ ತನಿಖಾ ಅಧಿಕಾರಿಗಳು ನಾಲ್ವರು ಕಿರಿಯ ವೈದ್ಯರ ಹೇಳಿಕೆಗಳನ್ನು ದಾಖಲಿಸಿಕೊಂಡಿದ್ದಾರೆ, ಅಲ್ಲದೆ ಸಂತ್ರಸ್ತೆ ಆಗಸ್ಟ್ 9 ರಂದು ಮಧ್ಯರಾತ್ರಿ 1 ಗಂಟೆ ಸುಮಾರಿಗೆ ಸೆಮಿನಾರ್ ಹಾಲ್‌ಗೆ ಹೋಗಿದ್ದರು ಎಂಬುದಕ್ಕೆ ಪುರಾವೆಗಳಿವೆ. 2:30 ಕ್ಕೆ ವೈದ್ಯೆಯ ಜೊತೆ ಕೊನೆಯ ಬಾರಿ ಸಂಭಾಷಣೆ ನಡೆಸಿದ್ದು ಇದಾದ ಬಳಿಕ ಸಂತ್ರಸ್ತ ವೈದ್ಯೆ ರೆಸ್ಟ್ ರೂಂ ಗೆ ತೆರಳಿದ್ದಾಗಿ ಹೇಳಲಾಗಿದೆ.
Related Articles
Advertisement
ಇತ್ತ ಸಿಸಿಟಿವಿ ದೃಶ್ಯಾವಳಿಯ ಪ್ರಕಾರ ಆರೋಪಿ ಸಂಜಯ್ ರಾಯ್ ಮುಂಜಾನೆ 4 ಗಂಟೆಗೆ ಆಸ್ಪತ್ರೆ ಪ್ರವೇಶಿಸುತ್ತಿರುವುದು ಕಂಡುಬಂದಿದೆ. ಈ ಸಮಯದಲ್ಲಿ ಅಪರಾಧ ಎಸಗಿರಬಹುದು ಎಂದು ಹೇಳಲಾಗಿದೆ.
ವೈದ್ಯೆಯ ಮೇಲೆ ಅತ್ಯಾಚಾರ ಎಸಗಿ ಹತ್ಯೆಗೈದಿದ್ದರೂ ಆರೋಪಿ ಸಂಜಯ್ ಗೆ ಇದು ಯಾವುದರ ಪಶ್ಚಾತಾಪವೇ ಇಲ್ಲದಂತೆ ವರ್ತಿಸುತ್ತಿದ್ದ ಎನ್ನಲಾಗಿದೆ. ತಾನು ತಪ್ಪು ಎಸಗಿದ್ದರೂ ಅದರ ಪರಿವೇ ಇಲ್ಲದಂತೆ ವರ್ತಿಸುತ್ತಿದ್ದ ಎನ್ನಲಾಗಿದೆ.