ಮೆಹುಲ್‌ ಚೋಕ್ಸಿ, ಗೀತಾಂಜಲಿ ಜೆಮ್ಸ್‌ ವಿರುದ್ಧ ಸಿಬಿಐ ಚಾರ್ಜ್‌ ಶೀಟ್‌

ಹೊಸದಿಲ್ಲಿ : ಪಂಜಾಬ್‌ ನ್ಯಾಶನಲ್‌ ಬ್ಯಾಂಕಿಗೆ ಎರಡು ಬಿಲಿಯ ಡಾಲರ್‌ ವಂಚನೆಗೈದಿರುವ ಬಿಲಿಯಾಧಿಪತಿ ಚಿನ್ನಾಭರಣ ವ್ಯಾಪಾರಿ ಮೆಹುಲ್‌ ಚೋಕ್ಸಿ ಮತ್ತು ಅವರ ಒಡೆತನದ ಗೀತಾಂಜಲಿ ಜೆಮ್ಸ್‌ ಹಾಗೂ  ಇತರ 17 ಸಂಸ್ಥೆಗಳ ವಿರುದ್ಧ ಸಿಬಿಐ ಇಂದು ಚಾರ್ಜ್‌ ಶೀಟ್‌ ಸಲ್ಲಿಸಿದೆ. 

ಮುಂಬಯಿಯ ವಿಶೇಷ ನ್ಯಾಯಾಲಯದಲಲ್ಲಿ ಸಿಬಿಐ ಈ ಚಾರ್ಜ್‌ ಶೀಟನ್ನು ದಾಖಲಿಸಿದೆ. ಪಂಜಾಬ್‌ ನ್ಯಾಶನಲ್‌ ಬ್ಯಾಂಕ್‌ ಕಳೆದ ಫೆ.13ರಂದು ನೀಡಿದ್ದ ದೂರಿನ ಅನ್ವಯ ಸಿಬಿಐ ಈ ಚಾರ್ಜ್‌ ಶೀಟ್‌ ದಾಖಲಿಸಿದೆ. 

ಗೀತಾಂಜಲಿ ಜೆಮ್ಸ್‌ ಕಂಪೆನಿಯ ಒಡೆಯರಾಗಿರುವ ಮೆಹುಲ್‌ ಚೋಕ್ಸಿ ಅವರ ಕಂಪೆನಿಗಳಿಗೆ ಕೊಡಲಾಗಿದ್ದ 143 ಲೆಟರ್‌ ಆಫ್ ಅಂಡರ್‌ಟೇಕಿಂಗ್‌ ಮತ್ತು 224 ಫಾರೀನ್‌ ಲೆಟರ್‌ಸ್‌ ಆಫ್ ಕ್ರೆಡಿಟ್‌ನಿಂದಾಗಿ ತನಗೆ 4,886 ಕೋಟಿ ರೂ. ನಷ್ಟ ಉಂಟಾಗಿದೆ ಎಂದು ಪಿಎನ್‌ಬಿ ಹೇಳಿದೆ.