1,394 ಕೋ.ರೂ. ವಂಚನೆ: ಹೈದರಾಬಾದ್‌ ಕಂಪೆನಿ ವಿರುದ್ಧ ಕೇಸು

ನವದೆಹಲಿ: ಯೂನಿಯನ್‌ ಬ್ಯಾಂಕ್‌ ಆಫ್ ಇಂಡಿಯಾ ಸೇರಿದಂತೆ ಒಟ್ಟು ಎಂಟು ಬ್ಯಾಂಕ್‌ಗಳಿಗೆ 1,394 ಕೋಟಿ ರೂ. ವಂಚಿಸಿದ ಆರೋಪಕ್ಕೆ ಸಂಬಂಧಿಸಿದಂತೆ ಹೈದರಾಬಾದ್‌ನ ಟೋಟೆಮ್‌ ಇನ್‌ಫ್ರಾಸ್ಟ್ರಕ್ಚರ್‌ ವಿರುದ್ಧ ಸಿಬಿಐ ಕೇಸು ದಾಖಲಿಸಿದೆ. ಪ್ರಮುಖ ಮೂಲ ಸೌಕರ್ಯ ಕಂಪನಿಗಳಿಗೆ ಉಪ-ಗುತ್ತಿಗೆದಾರನಾಗಿ ಕೆಲಸ ಮಾಡಿರುವ ಟೊಟೆಮ್‌ನ ಪ್ರವರ್ತಕರಾಗಿರುವ ತೊಟ್ಟೆಂಪುಡಿ ಸಲಾಲಿತ್‌ ಮತ್ತು ತೊಟ್ಟೆಂಪುಡಿ ಕವಿತಾ ವಿರುದ್ಧ ಎಫ್ಐಆರ್‌ ದಾಖಲಿಸಲಾಗಿದೆ. 2015ರಲ್ಲಿ ಆದಾಯ ತೆರಿಗೆ ಇಲಾಖೆ ಪ್ರಕಟಿಸಿದ್ದ ದೊಡ್ಡ ತೆರಿಗೆ ವಂಚಕ ಪಟ್ಟಿಯಲ್ಲಿ ಈ ಕಂಪನಿಯೂ ಇತ್ತು. ಆ ವರ್ಷವೇ ಅದು 400 ಕೋಟಿ ರೂ. ತೆರಿಗೆ ಪಾವತಿ ಮಾಡಬೇಕಾಗಿತ್ತು.