CBI ಮಾಜಿ ಸಂಸದ ಶಿವರಾಮೇ ಗೌಡ ಸಹಿತ 8 ಮಂದಿ ವಿರುದ್ಧ ಕೇಸ್‌

ಬೆಂಗಳೂರು: ನಕಲಿ ದಾಖಲೆಗಳನ್ನು ಸೃಷ್ಟಿಸಿ 12.48 ಕೋಟಿ ರೂ. ಸಾಲ ಪಡೆದು ವಂಚಿಸಿದ ಆರೋಪದಲ್ಲಿ ಮಾಜಿ ಸಂಸದ ಎಲ್‌.ಆರ್‌.ಶಿವರಾಮೇಗೌಡ ಹಾಗೂ ಅವರ ಕುಟುಂಬ ಸದಸ್ಯರು ಸಹಿತ ಎಂಟು ಮಂದಿ ವಿರುದ್ಧ ಕೇಂದ್ರೀಯ ತನಿಖಾ ದಳ(ಸಿಬಿಐ) ಎಫ್ಐಆರ್‌ ದಾಖಲಿಸಿಕೊಂಡಿದೆ.

ನಗರದ ಎಂ.ಜಿ.ರಸ್ತೆಯ ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ ಶಾಖೆಯ ಸಹಾಯಕ ಪ್ರಧಾನ ವ್ಯವಸ್ಥಾಪಕ ಎಸ್‌.ಡಿ.ಮೋದಿ ಎಂಬವರು ನೀಡಿರುವ ದೂರಿನ ಮೇರೆಗೆ ಎಚ್‌ಆರ್‌ಬಿಆರ್‌ ಲೇಔಟ್‌ ನಿವಾಸಿ ನಂಜಪ್ಪ ಶಿವಪ್ರಸಾದ್‌, ಪತ್ನಿ ಉಮಾ ಪ್ರಸಾದ್‌, ರಾಯಲ್‌ ಕಾಂಕೋರ್ಡ್‌ ಎಜುಕೇಷನ್‌ ಟ್ರಸ್ಟ್‌, ಈ ಟ್ರಸ್ಟ್‌ನ ಮುಖ್ಯಸ್ಥ, ಮಾಜಿ ಸಂಸದ ಎಲ್‌.ಆರ್‌.ಶಿವರಾಮೇಗೌಡ, ಪತ್ನಿ ಸುಧಾ ಶಿವರಾಮೇಗೌಡ, ಪುತ್ರ ಚೇತನ್‌ ಗೌಡ, ಸೊಸೆ ಭವ್ಯಾಗೌಡ ಹಾಗೂ ಇತರರ ವಿರುದ್ಧ ವಂಚನೆ ಆರೋಪದಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.