ಸುಖರಾಂ ಪುತ್ರ ಅನಿಲ್‌ ಶರ್ಮಾ ಬಿಜೆಪಿಗೆ : ಕಾಂಗ್ರೆಸ್‌ ಟೀಕೆ

ಶಿಮ್ಲಾ : ಮಾಜಿ ಟೆಲಿಕಾಂ ಸಚಿವ ಸುಖರಾಂ ಅವರ ಪುತ್ರ ಅನಿಲ್‌ ಶರ್ಮಾ ಅವರನ್ನು ಪಕ್ಷಕ್ಕೆ ಸೇರಿಸಿಕೊಂಡಿರುವ ಬಿಜೆಪಿಯನ್ನು ಕಾಂಗ್ರೆಸ್‌ ಕಟುವಾಗಿ ಟೀಕಿಸಿದೆ.

ಇದಕ್ಕೆ ಉತ್ತರವಾಗಿ ಬಿಜೆಪಿ ವಕ್ತಾರ ಸುಧಾಂಶು ತ್ರಿವೇದಿ ಅವರು “ಸುಖರಾಂ ವಿರುದ್ಧದ ಕೇಸುಗಳು ಬಹಳ ಹಳೆಯದು; ಈಗ ಅವೆಲ್ಲ ಮರೆಯಾಗಿರುವ ಸಂಗತಿಗಳು’ ಎಂದು ಹೇಳಿದ್ದಾರೆ. 

ಅನಿಲ್‌ ಶರ್ಮಾ ಅವರು ಮೊನ್ನೆ ಮೊನ್ನೆಯ ವರೆಗೂ ವೀರಭದ್ರ ಸಿಂಗ್‌ ಅವರ ಸರಕಾರದಲ್ಲಿ ಕ್ಯಾಬಿನೆಟ್‌ ಸಚಿವರಾಗಿದ್ದರು. ಅಕ್ಟೋಬರ್‌ 15ರಂದು ಶರ್ಮಾ ಅವರು ಕಾಂಗ್ರೆಸ್‌ ತೊರೆದು ಬಿಜೆಪಿ ಸೇರಿದರು. ಪ್ರಕೃತ ಅವರು ಮಂಡಿ ವಿಧಾನಸಭಾ ಕ್ಷೇತ್ರದಿಂದ ಸ್ಪರ್ಧಿಸಲಿರುವ ಬಿಜೆಪಿಯ ಅಧಿಕೃತ ಅಭ್ಯರ್ಥಿಯಾಗಿದ್ದಾರೆ. 

ಸುಖರಾಂ ಅವರು 1962ರಿಂದ 1984 ನವೆಂಬರ್‌ ವರೆಗೂ ಮಂಡಿ ಕ್ಷೇತ್ರವನ್ನು ಪ್ರತಿನಿಧಿಸಿದವರು. ಅನಂತರ ಅವರು ಲೋಕಸಭೆಗೆ ಚುನಾಯಿತರಾದರು.