ದುಬಾೖಯಿಂದ ವಾಪಸಾದವರ ವಿರುದ್ಧ ಕೇಸು

ದುಬಾೖಯಿಂದ ಬಂದಿದ್ದ ಮೂವರು ಸೋಂಕು ತಗುಲಿದ್ದರೂ, ಅದನ್ನು ಬಹಿರಂಗಪಡಿಸದೆ ತಿರುವನಂತಪುರಕ್ಕೆ ಪ್ರಯಾಣಿಸಿದ್ದ ಹಿನ್ನೆಲೆಯಲ್ಲಿ, ಕೇರಳ ಸರಕಾರ ಅವರ ವಿರುದ್ಧ ಮಂಗಳವಾರ ದೂರು ದಾಖಲಿಸಿದೆ. ಕೊಲ್ಲಂ ಜಿಲ್ಲೆಯವರಾಗಿದ್ದ ಮೂವರು ರವಿವಾರ ದುಬಾೖಯಿಂದ ತಿರುವನಂತಪುರಂಗೆ ಆಗಮಿಸಿದ್ದರು. ಸೋಮವಾರ ಅವರಿಗೆ ಪರೀಕ್ಷೆ ನಡೆಸಿ ಕ್ವಾರಂಟೈನ್ ನಲ್ಲಿಡಲಾಗಿದೆ. ದುಬಾೖಯಲ್ಲಿ ಅವರಿಗೆ ಪರೀಕ್ಷಿಸಿದ ಬಳಿಕ ಸೋಂಕು ದೃಢಪಟ್ಟಿತ್ತು. ಆದರೆ, ಅವರು ಆ ವಿಷಯವನ್ನು ಬಹಿರಂಗಪಡಿಸದೆ ತಿರುವನಂತಪುರಂಗೆ ಆಗಮಿಸಿದ್ದರು. ನಂತರ ತಮ್ಮ ಸ್ಥಳಗಳಿಗೆ ಹೋಗಲು ಪೊಲೀಸರು ವ್ಯವಸ್ಥೆ ಮಾಡಿದ್ದ ಬಸ್‌ನಲ್ಲಿಯೂ ಅವರು ಪ್ರಯಾಣಿಸಿದ್ದರು.