ಕಾರ್‌ ಬಾಂಬ್‌ ಸ್ಫೋಟ: ಸೋಮಾಲಿಯಾದಲ್ಲಿ 100 ಮಂದಿ ಸಾವು

ಮೊಗಾದಿಶು: ಸೋಮಾಲಿಯಾದ ರಾಜಧಾನಿಯ ಮೊಗಾದಿಶುವಿನಲ್ಲಿ ಇರುವ ಪ್ರಮುಖ ಮಾರುಕಟ್ಟೆ ಪ್ರದೇಶದಲ್ಲಿ 2 ಕಾರ್‌ ಬಾಂಬ್‌ ಸ್ಫೋಟಗೊಂಡು, 100 ಮಂದಿ ಸಾವಿಗೀಡಾಗಿದ್ದಾರೆ.

ಈ ಘಟನೆಯಲ್ಲಿ 300ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಸೋಮಾಲಿಯಾ ಅಧ್ಯಕ್ಷ ಹಸನ್‌ ಶೇಖ್‌ ಮೊಹಮ್ಮದ್‌ ನೀಡಿರುವ ಹೇಳಿಕೆ ಪ್ರಕಾರ 2017 ಅಕ್ಟೋಬರ್‌ ಬಳಿಕ ಇದು ಅತ್ಯಂತ ಭೀಕರ ಬಾಂಬ್‌ ದಾಳಿ ಇದಾಗಿದೆ. ಉಗ್ರ ಸಂಘಟನೆ ಅಲ್‌-ಖೈದಾ ಜತೆಗೆ ನಿಕಟ ಸಂಪರ್ಕ ಹೊಂದಿರುವ ಅಲ್‌-ಶಬಾಬ್‌ ಎಂಬ ತೀವ್ರಗಾಮಿ ಸಂಘಟನೆಯೇ ದಾಳಿ ಹಿಂದೆ ಇದೆ ಎಂದು ಸರಕಾರ ಆರೋಪಿಸಿದೆ.