ಕೆನರಾ ಬ್ಯಾಂಕ್‌ ಮಾರ್ಕೆಟಿಂಗ್‌ ಮೇಳ

ಬೆಂಗಳೂರು: ನಗರದ ಬನಶಂಕರಿಯ ಸುವರ್ಣ ಸಂಕ್ರಾಂತಿ ಹಾಲ್‌ನಲ್ಲಿ ಮಹಿಳಾ ಸಬಲೀಕರಣ ಇಲಾಖೆ, ಕೆನರಾ ರಿಲೀಫ್‌ ಆ್ಯಂಡ್‌ ವೆಲ್‌ಫೇರ್‌ ಸೊಸೈಟಿ ಹಾಗೂ ಮಾತೃಛಾಯಾ ಸಹಯೋಗದಲ್ಲಿ ಮಹಿಳಾ ಉದ್ಯಮಿಗಳಿಂದ ಮಾರ್ಕೆಟಿಂಗ್‌ ಮೇಳ “ಕೆನರಾ ಉತ್ಸವ’ವನ್ನು ಆಯೋಜಿಸಲಾಗಿದೆ. ಈ ಐದು ದಿನಗಳ ಮೇಳವನ್ನು ಕೆನರಾ ಬ್ಯಾಂಕ್‌ ಕಾರ್ಯನಿರ್ವಾಹಕ ನಿರ್ದೇಶಕ ಎಂ.ವಿ.ರಾವ್‌ ಅವರ ಪತ್ನಿ ಎಂ.ಸುಶೀಲಾ ಅವರು ಉದ್ಘಾಟಿಸಿದರು.

ನಂತರ ಕರಕುಶಲ ವಸ್ತುಗಳ ಪ್ರದರ್ಶನ-ಮಾರಾಟವನ್ನು ವೀಕ್ಷಿಸಿದ ಸುಶೀಲಾ ಅವರು ಬ್ಯಾಂಕು ಮಹಿಳಾ ಕುಶಲಕರ್ಮಿಗಳಿಗೆ ಒದಗಿಸುವ ಆರ್ಥಿಕ ಸೌಲಭ್ಯ ಹಾಗೂ ಸಹಕಾರವನ್ನು ಸರಿಯಾಗಿ ಬಳಸಿಕೊಂಡು ವಹಿವಾಟು ಹೆಚ್ಚಿಸಿಕೊಳ್ಳಬೇಕು. ಆ ಮೂಲಕ ಮಹಿಳಾ ಉದ್ಯಮಿಗಳು ಆರ್ಥಿಕವಾಗಿ ಸಬಲರಾಗಬೇಕೆಂದು ಕರೆ ನೀಡಿದರು.

ಈ ಸಂದರ್ಭದಲ್ಲಿ ಕೆನರಾ ಬ್ಯಾಂಕ್‌ ರಿಲೀಫ್‌ ಮತ್ತು ವೆಲ್‌ಫೇರ್‌ ಸೊಸೈಟಿ ಜಂಟಿ ಕಾರ್ಯದರ್ಶಿ ಶ್ರೀಮತಿ ಪ್ರೇಮಾ ರತ್ನಾಕರ್‌, ಬ್ಯಾಂಕಿನ ಕೇಂದ್ರ ಕಚೇರಿಯ ಮಹಾಪ್ರಬಂಧಕ ಪಿ. ಅನಿಲ್‌ ಕುಮಾರ್‌, ಸೊಸೈಟಿಯ ಮಹಾಪ್ರಬಂಧಕ ಕೆ.ಎಸ್‌.ಎಸ್‌. ಕಾಮತ್‌, ಡಿಜಿಎಂ ಕೆ. ಪಳನಿವೇಲು ಇತರರು ಭಾಗವಹಿಸಿದ್ದರು.