ಕುಸಿದ ಸೇತುವೆ: ಮಧ್ಯ ಸಿಲುಕಿಕೊಂಡ ಟ್ರಕ್‌ ; ಪರದಾಡಿದ ಚಾಲಕ

 ಸಿಲಿಗುರಿ : ಪಶ್ಚಿಮ ಬಂಗಾಳದಲ್ಲಿ ಸದ್ಯ ಜನರು ಸೇತುವೆಗಳ ಮೇಲೆ ಸಂಚರಿಸಲೂ ಭಯ ಪಡುವ ಅನಿವಾರ್ಯತೆ ಎದುರಾದಂತಿದೆ. ಕೋಲ್ಕತಾದಲ್ಲಿ ಮೇಲ್ಸೇತುವೆ ಕುಸಿದು ಬಿದ್ದ ಬೆನ್ನಲ್ಲೇ ಪಾನ್ಸಿದೇವಾ ಎಂಬಲ್ಲಿ ಸೇತುವೆಯೊಂದು ವಾಹನಗಳು ಚಲಿಸುತ್ತಿರುವಾಗಲೇ ಕುಸಿದಿದೆ. 

ಟ್ರಕ್‌ ಚಲಿಸುತ್ತಿರುವಾಗ ಸೇತುವೆ ಕುಸಿದಿದ್ದು , ಚಾಲಕ ಹಿಂದಕ್ಕೂ ಮುಂದಕ್ಕೂ ಚಲಿಸಲಾಗದೆ ಪರದಾಡಬೇಕಾಯಿತು. ಅದೃಷ್ಟವಷಾತ್‌ ಯಾವುದೇ ಪ್ರಾಣ ಹಾನಿಯಾಗಿಲ್ಲ. 

ಸ್ಥಳಕ್ಕೆ ಪಶ್ಚಿಮ ಬಂಗಾಳದ ಪ್ರವಾಸೋದ್ಯಮ ಸಚಿವ ಗೌತಮ್‌ ದೇಬ್‌ ಅವರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.