ಗೋಮಾಂಸ ಬಳಕೆ ವದಂತಿ: ಕ್ಯಾಡ್​​ಬರಿ ವಿರುದ್ಧ ಶುರುವಾಯಿತು ಬಾಯ್ಕಾಟ್‌ ಟ್ರೆಂಡ್

ನವದೆಹಲಿ: ಇಷ್ಟು ದಿನ ಸೆಲೆಬ್ರಿಟಿಗಳ ಸಿನಿಮಾಕ್ಕಿದ್ದ ಬಾಯ್ಕಾಟ್‌ ಟ್ರೆಂಡ್‌ ಈಗ ಚಾಕ್ಲೇಟ್‌ ಗೂ ಬಂದಿದೆ. ಟ್ವಿಟರ್‌ ನಲ್ಲಿ #BoycottCadbury ಟ್ರೆಂಡ್‌ ಜೋರಾಗಿದೆ.

ಇತ್ತೀಚೆಗೆ ಕ್ಯಾಡ್​​ಬರಿ ಕಂಪೆನಿ ದೀಪಾವಳಿ ಜಾಹೀರಾತನ್ನು ಮಾಡಿತ್ತು. ಇದರಲ್ಲಿ ಬಡವನೊಬ್ಬ ದೀಪವನ್ನು ಮಾರುವ ದೃಶ್ಯವಿತ್ತು. ದೀಪವನ್ನು ಮಾರುವ ವ್ಯಕ್ತಿಯ ಹೆಸರು ದಾಮೋದರ್‌ ಆಗಿತ್ತು. ಇದನ್ನೇ ಇಟ್ಟುಕೊಂಡು ವಿಹೆಚ್‌ ಪಿ ನಾಯಕಿ ಸಾಧ್ವಿ ಪ್ರಾಚಿ ಮೋದಿ ಅವರ ತಂದೆಯ ಹೆಸರು ದಾಮೋದರ್.‌ ಈ ಜಾಹೀರಾತಿನಲ್ಲಿ ಅವರನ್ನು ಲೇವಡಿ ಮಾಡಿ ತೋರಿಸುವುದಕ್ಕೆ ಈ ರೀತಿಯಾಗಿ ತೋರಿಸಲಾಗಿದೆ ಎಂದು ಆಕ್ಷೇಪ ವ್ಯಕ್ತಪಡಿಸಿ, ಜಾಹೀರಾತನ್ನು ಹಂಚಿಕೊಂಡಿದ್ದಾರೆ. ಇದರ ಬೆನ್ನಲ್ಲೇ #BoycottCadbury ಟ್ರೆಂಡ್‌ ಶುರುವಾಗಿದೆ.

ಬಾಯ್ಕಾಟ್‌ ಟ್ರೆಂಡ್‌ ಶುರು ಮಾಡಿದವರಲ್ಲಿ ಕೆಲವರು ಆಸ್ಟ್ರೇಲಿಯಾ ಕ್ಯಾಡ್​​ಬರಿ ವೈಬ್‌ ಸೈಟ್‌ ನ ಸ್ಕ್ರೀನ್‌ ಶಾಟ್ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಕ್ಯಾಡ್​​ಬರಿ ಉತ್ಪನ್ನಗಳಲ್ಲಿ ಜೆಲಾಟಿನ್ ಇದ್ದರೆ ಅದು ಹಲಾಲ್ ಪ್ರಮಾಣೀಕೃತ ಮತ್ತು ಅದನ್ನು ಗೋಮಾಂಸದಿಂದ ಪಡೆಯಲಾಗಿದೆ ಎಂದು ಬರೆದಿದೆ. ಇದು ಬಾಯ್ಕಾಟ್‌ ಕೂಗಿಗೆ ಧ್ವನಿಯಾದವರಿಗೆ ಮತ್ತಷ್ಟು ಆಕ್ರೋಶಗೊಳ್ಳುವಂತೆ ಮಾಡಿದೆ.

2021 ರಲ್ಲಿ  ಕ್ಯಾಡ್​​ಬರಿ ನಾನ್‌ ವೆಜ್‌ ಎಂದು ಇದೇ ರೀತಿಯ ಬಾಯ್ಕಾಟ್‌ ಟ್ರೆಂಡ್‌ ಶುರು ಮಾಡಲಾಗಿತ್ತು. ಆಗ ಕಂಪೆನಿ ಭಾರತೀಯ ಕ್ಯಾಡ್‌ ಬರಿ ಉತ್ಪನ್ನ 100 % ಸಸ್ಯಹಾರಿ ಎಂದು ಕಂಪೆನಿ ಸ್ಪಷ್ಟನೆ ಕೊಟ್ಟಿತ್ತು.

 

Have you carefully observed Cadbury chocolate’s advertisement on TV channels?

The shopless poor lamp seller is Damodar.

This is done to show someone with PM Narendra Modi’s father’s name in poor light. Chaiwale ka baap diyewala.

Shame on cadbury Company #BoycottCadbury pic.twitter.com/QvzbmOMcX2

— Dr. Prachi Sadhvi (@Sadhvi_prachi) October 30, 2022