ಹುಬ್ಬಳ್ಳಿ : ಪೌರ ಕಾರ್ಮಿಕರ ವೇತನ ನೀಡಲು ಲಂಚ : ಆರೋಗ್ಯ ನಿರೀಕ್ಷಕ- ಕ್ಲರ್ಕ್ ಎಸಿಬಿ ಬಲೆಗೆ

ಹುಬ್ಬಳ್ಳಿ: ಪೌರ ಕಾರ್ಮಿಕರ ವೇತನ ಬಟವಡೆ ಮಾಡಲು ಲಂಚ ಪಡೆಯುತ್ತಿದ್ದ ಮಹಾನಗರ ಪಾಲಿಕೆ ವಲಯ ಕಚೇರಿ ಆರೋಗ್ಯ ನಿರೀಕ್ಷಕ ಮತ್ತು ಕ್ಲರ್ಕ್ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ಇಲ್ಲಿನ ಪಾಲಿಕೆಯ ವಲಯ ಕಚೇರಿ ಸಂಖ್ಯೆ 7ರ ಆರೋಗ್ಯ ನಿರೀಕ್ಷಕ ಹಾಗೂ ಕ್ಲರ್ಕ್ ಸಿಕ್ಕಿಬಿದ್ದಿದ್ದಾರೆ. ಇವರು ಸ್ಯಾನಿಟೈಸ್ ಮಾಡುತ್ತಿದ್ದ ಪೌರಕಾರ್ಮಿಕರ ಪಗಾರ ಬಟವಡೆ ಮಾಡಲು 22 ಸಾವಿರ ರೂ. ಬೇಡಿಕೆ ಇರಿಸಲಾಗಿತ್ತು.

ಮುಂಗಡವಾಗಿ 4 ಸಾವಿರ ರೂ. ಪಡೆಯಲಾಗಿತ್ತು. ಶನಿವಾರ ಬಾಕಿ ಉಳಿದಿದ್ದ ಹಣದಲ್ಲಿ ಆರೋಗ್ಯ ನಿರೀಕ್ಷಕ 12 ಸಾವಿರ ರೂ. ಹಾಗೂ ಕ್ಲಾರ್ಕ್ 6 ಸಾವಿರ ರೂ. ಪಡೆದುಕೊಳ್ಳುತ್ತಿದ್ದಾಗ ಎಸಿಬಿ ಎಸಿಪಿ ವೇಣುಗೋಪಾಲ ನೇತೃತ್ವದಲ್ಲಿ ದಾಳಿ ಮಾಡಿ, ಹಣದ ಸಮೇತ ಇಬ್ಬರನ್ನು ವಶಕ್ಕೆ ಪಡೆದು, ತನಿಖೆ ನಡೆಸುತ್ತಿದ್ದಾರೆ.