Advertisement
ವಿದೇಶೀಯರು ಎರಡು ವಾರಗಳ ಕಾಲ ಕಡ್ಡಾಯ ಸ್ವಯಂ ಕ್ವಾರಂಟೈನ್‌ಗೆ ಒಳಪಡಬೇಕೆಂದು ಅಲ್ಲಿನ ಸರಕಾರ ಆದೇಶಿಸಿದ್ದು ಈ ವಿರುದ್ಧ ದೂರು ಸಲ್ಲಿಸಲಾಗಿದೆ.
ಸರಕಾರದ ಈ ನಿಯಮದಿಂದಾಗಿ ರಜೆ ಪ್ರವಾಸಕ್ಕೆ ಬ್ರಿಟನ್‌ಗೆ ಬರುವವರು ಬರುವುದಿಲ್ಲ. ಇದರಿಂದ ಈ ಮೊದಲೇ ಆರ್ಥಿಕ ಹಿಂಜರಿತಕ್ಕೆ ಸಿಲುಕಿದ ವಿಮಾನಯಾನ ಕಂಪೆನಿಗಳು ಮತ್ತಷ್ಟು ಕಷ್ಟಕ್ಕೆ ಸಿಲುಕಬೇಕಾಗತ್ತದೆ. ಜತೆಗೆ ಬ್ರಿಟನ್‌ನ ಪ್ರವಾಸೋದ್ಯಮಕ್ಕೆ ಬಹಳಷ್ಟು ಪೆಟ್ಟು ಬೀಳುತ್ತದೆ. ಸಾವಿರಾರು ಉದ್ಯೋಗಗಳೂ ನಷ್ಟವಾಗಬಹುದು ಎಂದು ಹೇಳಿವೆ.
Related Articles
Advertisement
ಮುಂದಿನ ದಿನಗಳಲ್ಲಿ ಐರೋಪ್ಯ ದೇಶಗಳಲ್ಲಿ ರಜೆ ಪ್ರವಾಸ ಆರಂಭವಾಗಲಿದ್ದು, ದೊಡ್ಡ ಮಟ್ಟದಲ್ಲಿ ಜನರು ಬೀಚುಗಳತ್ತ ದೌಡಾಯಿಸುತ್ತಾರೆ. ಹಲವು ದೇಶಗಳು ಈ ವೇಳೆ ಪ್ರವಾಸೋದ್ಯಮದಿಂದ ಭರ್ಜರಿ ಸಂಪಾದನೆ ಮಾಡುತ್ತವೆ. ಆದರೆ ಬ್ರಿಟನ್‌ನಲ್ಲಿ ಮಾತ್ರ ಈಗ ಕ್ವಾರಂಟೈನ್‌ ಎಂದರೆ ಜನರು ಬರುವುದಿಲ್ಲ ಎನ್ನುವುದು ಅಲ್ಲಿನ ವಿಮಾನಯಾನ ಕಂಪೆನಿಗಳ ಆರೋಪ. ಅಲ್ಲದೇ ಕೋವಿಡ್‌ನಿಂದಾಗಿ ಅತಿ ಹೆಚ್ಚು ನಷ್ಟವಾಗಿದ್ದು, ಬ್ರಿಟನ್‌ನ ವೈಮಾನಿಕ ಕಂಪೆನಿಗಳಿಗೆ ಸುಮಾರು 8 ಸಾವಿರ ಕೋಟಿ ರೂ.
ನಷ್ಟವಾಗಬಹುದು ಎಂದು ಕಂಪೆನಿಗಳು ಲೆಕ್ಕಾಚಾರ ಹಾಕಿವೆ. 2008-09ರ ಆರ್ಥಿಕ ಹಿಂಜರಿತದ ವೇಳೆ 3 ಸಾವಿರ ಕೋಟಿ ರೂ. ನಷ್ಟವಾಗಿದ್ದು ಈ ಬಾರಿ ಅದಕ್ಕೂ ದುಪ್ಪಟ್ಟು ನಷ್ಟವಾಗಿದೆ ಎಂದು ಕಂಪೆನಿಗಳ ವಕ್ತಾರರು ಹೇಳಿದ್ದಾರೆ.
ಇತರ ಐರೋಪ್ಯ ದೇಶಗಳಲ್ಲಿ ಸೋಂಕಿನ ಪ್ರಮಾಣ ಕಡಿಮೆಯಾಗುತ್ತಿದ್ದು, ಇದರಿಂದ ಸನಿಹದ ದೇಶಗಳಿಂದ ಪ್ರವಾಸಿಗರನ್ನು ದೇಶಕ್ಕೆ ಬಿಡಬಹುದು. ಇದರಿಂದ ಆರ್ಥಿಕ ದೃಷ್ಟಿಯಿಂದಲೂ ಪ್ರಯೋಜನಕಾರಿ. ಸರಕಾರ ಕೂಡಲೇ ನಿರ್ಧಾರವನ್ನು ಪರಿಶೀಲಿಸಬೇಕು. ನ್ಯಾಯಾಂಗವೂ ನ್ಯಾಯಿಕ ಮಂಡಳಿಯ ಮೂಲಕ ಆದೇಶ ಪರಶೀಲನೆ ನಡೆಸಬೇಕು ಎಂದು ವಿಮಾನ ಯಾನ ಕಂಪೆನಿಗಳು ಕೇಳಿಕೊಂಡಿವೆ.