ಬಿಪಿಸಿಎಲ್‌ ಖಾಸಗೀಕರಣಗೊಳಿಸಲು ಸರಕಾರ ಚಿಂತನೆ : ಎಲ್‌ಪಿಜಿ ಗ್ರಾಹಕರಿಗೆ ಸಮಸ್ಯೆ?

ಹೊಸದಿಲ್ಲಿ : ಸರಕಾರಿ ಸ್ವಾಮ್ಯದ ಬಿಪಿಸಿಎಲ್‌ನ್ನು ಖಾಸಗೀಕರಣಗೊಳಿಸಲು ಸರಕಾರ ಮುಂದಾಗಿದ್ದು, ಖಾಸಗೀಕರಣದ ಬಳಿಕ ಅದು ತನ್ನ ಗ್ರಾಹಕರಿಗೆ ಸರಬರಾಜು ಮಾಡುವುದಕ್ಕಾಗಿ ಸರಕಾರಿ ಸ್ವಾಮ್ಯದ ಸಂಸ್ಥೆಗಳಿಂದ ಸಬ್ಸಿಡಿ ಸಹಿತ ಅಡುಗೆ ಅನಿಲವನ್ನು ಖರೀದಿಸಬಹುದೇ ಎಂಬ ವಿಚಾರದಲ್ಲಿ ಕಾನೂನು ಪ್ರಶ್ನೆಗಳು ಉದ್ಭವಿಸಿವೆ.

ಈ ಬಗ್ಗೆ ಕಾನೂನು ತಜ್ಞರ ಅಭಿಪ್ರಾಯ ಕೇಳಲಾಗಿದೆ. ಎಲ್‌ಪಿಜಿ ನಿಯಂತ್ರಣ ಆದೇಶ- 2000ವು ಅಡುಗೆ ಅನಿಲವನ್ನು ಸರಕಾರಿ ಸ್ವಾಮ್ಯದ ಅನಿಲ ಮಾರುಕಟ್ಟೆ ಕಂಪೆನಿಗಳಿಗೆ ಮಾತ್ರ ಸರಬರಾಜು ಮಾಡಬೇಕೆಂದು ವಿಧಿಸುತ್ತದೆ.

ದೇಶದಲ್ಲಿ 2.1 ಕೋಟಿ ಉಜ್ವಲ ಗ್ರಾಹಕರ ಸಹಿತ ಒಟ್ಟು 8.4 ಕೋಟಿ ಗ್ರಾಹಕರು ಬಿಪಿಸಿಎಲ್‌ಗೆ ಇದ್ದಾರೆ. ಬಿಪಿಸಿಎಲ್‌ ಖಾಸಗೀಕರಣಗೊಂಡರೆ ಇವರಿಗೆ ಸಮಸ್ಯೆಯಾಗುವ ಸಾಧ್ಯತೆ ಇದೆ.