“ಚೆನ್ನೈ ಸೂಪರ್‌ ಕಿಂಗ್ಸ್‌ ಬಹಿಷ್ಕರಿಸಿ’

ಚೆನ್ನೈ: ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದಲ್ಲಿ ಕರ್ನಾಟಕದ ಪ್ರಮುಖ ಆಟಗಾರರೇ ಇಲ್ಲ ಎಂಬ ಆಕ್ಷೇಪವೆದ್ದಿದೆ. ಇದರ ಮಧ್ಯೆ ಚೆನ್ನೈ ಸೂಪರ್‌ ಕಿಂಗ್ಸ್‌ನಲ್ಲಿ ಇನ್ನೊಂದು ರೀತಿಯ ಆಕ್ಷೇಪ ಶುರುವಾಗಿದೆ.

ಚೆನ್ನೈ ತಂಡವನ್ನು ಬಹಿಷ್ಕರಿಸಿ ಎನ್ನುವ ಮಟ್ಟಕ್ಕೂ ಕೆಲವರು ಹೋಗಿದ್ದಾರೆ. ಮೊನ್ನೆ ಹರಾಜಿನಲ್ಲಿ ಚೆನ್ನೈ ತಂಡಕ್ಕೆ ಶ್ರೀಲಂಕಾದ ಮಹೀಶ್‌ ತೀಕ್ಷಣ ಆಯ್ಕೆಯಾಗಿದ್ದಾರೆ.

ತಮಿಳರ ಮೇಲೆ ದೌರ್ಜನ್ಯವೆಸಗಿರುವ ಶ್ರೀಲಂಕಾ ದೇಶದ ಆಟಗಾರರಿಗೆ ಸ್ಥಾನ ನೀಡಿದ್ದೇಕೆ ಎನ್ನುವುದು ಸಾಮಾಜಿಕ ತಾಣಗಳಲ್ಲಿ ಎದ್ದಿರುವ ಕೂಗು.

ಇದನ್ನೂ ಓದಿ:ಐಪಿಎಲ್‌ನಲ್ಲಿ ಕೋಟಿ ಸಿಗುತ್ತಿದ್ದಂತೆ ಪಾಕಿಸ್ಥಾನ ಲೀಗ್‌ ತೊರೆದ ಹೇಲ್ಸ್‌

ಪ್ರಸ್ತುತ ಚೆನ್ನೈ ತಂಡದಲ್ಲಿ ತಮಿಳುನಾಡಿಗೆ ಸೇರಿದ ಎನ್‌.ಜಗದೀಶನ್‌, ಹರಿ ನಿಶಾಂತ್‌ ಎಂಬ ಇಬ್ಬರು ಆಟಗಾರರಿದ್ದಾರೆ. ತಮಿಳುನಾಡಿನ ಆಟಗಾರರನ್ನು ಬಿಟ್ಟು ಇವರನ್ನು ಖರೀದಿಸಿದಕ್ಕೆ ತಮಿಳು ಕ್ರಿಕೆಟ್‌ ಅಭಿಮಾನಿಗಳಿಂದ ತಕರಾರು ಎದ್ದಿದೆ.