ಸಿಯಾಚಿನ್‌ ಬೇಸ್‌ ಕ್ಯಾಂಪ್‌ಗೆ ರಸ್ತೆ

ಲೇಹ್‌: ಸಿಯಾಚಿನ್‌ ಬೇಸ್‌ ಕ್ಯಾಂಪ್‌ಗೆ ವಾಹನ ಸಾಗಣೆಯನ್ನು ಸುಲಭಗೊಳಿಸುವ 35 ಮೀಟರ್‌ ಉದ್ದದ ಸೇತುವೆಯನ್ನು ಲೋಕಾರ್ಪಣೆ ಮಾಡಲಾಗಿದೆ. ಇದು ಜಮ್ಮು ಕಾಶ್ಮೀರದಲ್ಲಿ ಲೇಹ್‌ಗೆ ಸಿಯಾಚಿನ್‌ ಅನ್ನು ಸಂಪರ್ಕಿಸುವ ಮಹತ್ವದ ಸೇತುವೆಯಾಗಿದೆ. ಇದನ್ನು ಪ್ರಾಜೆಕ್ಟ್ ಹಿಮಾಂಕ್‌ ಎಂದು ಕರೆಯಲಾಗಿದ್ದು, ಚಮೆಸನ್‌ ಲುಂಗ್‌ಪಾ ನದಿಗೆ ಈ ಸೇತುವೆ ನಿರ್ಮಿಸಲಾಗಿದೆ. ಖಲ್ಸಾರ್‌-ಸಸೋಮಾ ರಸ್ತೆಗೆ ನಿರ್ಮಿಸಲು ಉದ್ದೇಶಿಸಿರುವ ಏಳು ಸೇತುವೆಗಳ ಪೈಕಿ ಇದು ಮೊದಲನೆಯದಾಗಿದೆ. ಗಡಿ ರಸ್ತೆಗಳ ಸಂಸ್ಥೆ (ಬಿಆರ್‌ಒ) ಈ ರಸ್ತೆ ನಿರ್ಮಾಣ ಮಾಡಿದೆ.