ಗಣೇಶ್‌ ಆಚಾರ್ಯ ವಿರುದ್ಧ ಹೊಸ ಆರೋಪ

ಮುಂಬಯಿ: ಬಾಲಿವುಡ್‌ನ‌ ಹಿರಿಯ ನೃತ್ಯ ಸಂಯೋಜಕ ಗಣೇಶ್‌ ಆಚಾರ್ಯ ವಿರುದ್ಧ ಇತ್ತೀಚೆಗಷ್ಟೇ ನೃತ್ಯಗಾತಿಯೊಬ್ಬರು ಲೈಂಗಿಕ ದೌರ್ಜನ್ಯದ ಆರೋಪ ಮಾಡಿ, ರಾಷ್ಟ್ರೀಯ ಮಹಿಳಾ ಆಯೋಗಕ್ಕೆ ದೂರು ನೀಡಿದ್ದರು. ಅದರ ಬೆನ್ನಲ್ಲೇ ಮತ್ತೂಬ್ಬ ಮಹಿಳೆ, ತಾವು 30 ವರ್ಷಗಳ ಹಿಂದೆ ಗಣೇಶ್‌ ಆಚಾರ್ಯ ಅವರಿಂದ ಲೈಂಗಿಕ ದೌರ್ಜನ್ಯಕ್ಕೊಳಗಾಗಿದ್ದಾಗಿ ಆರೋಪಿಸಿದ್ದಾರೆ.

ತಾವು 1990ರಲ್ಲಿ ಸಹ ನೃತ್ಯಗಾತಿಯಾಗಿದ್ದ ವೇಳೆ ಗಣೇಶ್‌ ನನಗೆ ಕಿರುಕುಳ ನೀಡಿದ್ದರು. ಈಗ ನನಗೆ ಮದುವೆಯಾಗಿ ಮಕ್ಕಳಿವೆ. ಆದರೆ ಗಣೇಶ್‌ ಈಗಲೂ ಬದಲಾಗಿಲ್ಲ ಎಂದು ತಿಳಿಯಿತು. ಅವರಿಂದ ಬೇರೆ ಹೆಣ್ಣು ಮಗಳ ಮೇಲಾದ ದೌರ್ಜನ್ಯ ಕುರಿತು ತಿಳಿದು ಬಂದಿತು. ಹಾಗಾಗಿ ನಾನು ನನ್ನ ಮೇಲಾಗಿದ್ದ ದೌರ್ಜನ್ಯದ ಕುರಿತು ಮಾತನಾಡಬೇಕು ಎಂದು ನಿರ್ಧರಿಸಿದೆ ಎಂದಿದ್ದಾರೆ.