ಥಾಣೆ : ಬಾಲಕಿಯ ಸಾವಿಗೆ ಕಾರಣನಾದ ಬೋಗಸ್‌ ಡಾಕ್ಟರ್‌ ಅರೆಸ್ಟ್‌

ಥಾಣೆ : ವೈದ್ಯಕೀಯ ಮಂಡಳಿಯಲ್ಲಿ ನೋಂದಾವಣೆ ಮಾಡಿಸಿಕೊಳ್ಳದೆ ವೈದ್ಯಕೀಯ ವೃತ್ತಿ ನಡೆಸುತ್ತಾ ರೋಗಿಯೊಬ್ಬರ ಸಾವಿಗೆ ಕಾರಣರಾದ ಆರೋಪದ ಮೇಲೆ ಪೊಲೀಸರು ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಉಲ್ಲಾಸನಗರ ಪಟ್ಟಣದ ಬೋಗಸ್‌ ಡಾಕ್ಟರ್‌ ಒಬ್ಬರನ್ನು ಬಂಧಿಸಿದ್ದಾರೆ.

ಬಂಧಿತ ಬೋಗಸ್‌ ಡಾಕ್ಟರ್‌ ನನ್ನು 49ರ ಹರೆಯದ ಪ್ರವೇಶ್‌ ಶರ್ಮಾ ಎಂದು ಗುರುತಿಸಲಾಗಿದೆ. ಹೊಟ್ಟೆ ನೋವಿನಿಂದ ಬಳಲುತ್ತಿದ್ದ 17 ವರ್ಷದ ಬಾಲಕಿಗೆ ಈತ 2017ರ ಆಗಸ್ಟ್‌ನಲ್ಲಿ  ಕೊಟ್ಟಿದ್ದ ಚಿಕಿತ್ಸೆಯಿಂದ ಆಕೆ ಮೃತಪಟ್ಟಿದ್ದಳು ಎಂದು ಪೊಲೀಸ್‌ ಎಸ್‌ಐ ಯೋಗೇಶ್‌ ಗಾಯ್ಕರ್‌ ತಿಳಿಸಿದ್ದಾರೆ. 

ಪೊಲೀಸರ ವ್ಯಾಪಕ ತನಿಖೆಯಲ್ಲಿ ಪ್ರವೇಶ್‌ ಶರ್ಮಾ ವೈದ್ಯಕೀಯ ಮಂಡಳಿಯಲ್ಲಿ ಹೆಸರು ನೋಂದಾಯಿಸಿಕೊಳ್ಳದೆ ವೈದ್ಯಕೀಯ ವೃತ್ತಿ ನಡೆಸುತ್ತಿರುವುದು ಬೆಳಕಿಗೆ ಬಂದಿತ್ತು. ಆ ಪ್ರಕಾರ ಆತನನ್ನು ಪೊಲೀಸರು ಬಂಧಿಸಿದ್ದರು.