ಟೀಮ್‌ ಇಂಡಿಯಾದ ಜೆರ್ಸಿ ಧರಿಸಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡ ವಿನೋದ್‌ ಕಾಂಬ್ಳಿ

ಥಾಣೆ: ಅನಾರೋಗ್ಯದಿಂದ ಭಿವಂಡಿಯ “ಆಕೃತಿ ಹಾಸ್ಪಿಟಲ್‌’ಗೆ ದಾಖಲಾಗಿದ್ದ ಮಾಜಿ ಕ್ರಿಕೆಟಿಗ ವಿನೋದ್‌ ಕಾಂಬ್ಳಿ ಬುಧವಾರ ಬಿಡುಗಡೆಗೊಂಡರು. ಅವರು 2 ವಾರಗಳ ಕಾಲ ಚಿಕಿತ್ಸೆಗೆ ಒಳಗಾಗಿದ್ದರು.

ಸಂಜೆ 4 ಗಂಟೆಯ ವೇಳೆ ವಿನೋದ್‌ ಕಾಂಬ್ಳಿ ಆಸ್ಪತ್ರೆಯಿಂದ ಹೊರಬಂದರು. ಈ ಸಂದರ್ಭದಲ್ಲಿ ಅವರು ಟೀಮ್‌ ಇಂಡಿಯಾದ ಜೆರ್ಸಿ ಧರಿಸಿ ಬ್ಯಾಟ್‌ ಹಿಡಿದಿದ್ದ ವೀಡಿಯೊ ಒಂದು ವೈರಲ್‌ ಆಗಿದೆ. ಅವರೀಗ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದಾರೆ ಎಂದು ವೈದ್ಯ ಡಾ| ವಿವೇಕ್‌ ತ್ರಿವೇದಿ ಹೇಳಿದ್ದಾರೆ.

ಹೊರಗೆ ಕಾದು ನಿಂತಿದ್ದ ಮಾಧ್ಯಮದವರೊಂದಿಗೆ ಮಾತಾಡಿದ ಕಾಂಬ್ಳಿ, “ಮದ್ಯ ಮತ್ತು ಮಾದಕ ವಸ್ತುಗಳಿಂದ ದೂರವಿರಿ. ದುಶ್ಚಟಗಳು ಜೀವನವನ್ನೇ ನಾಶ ಮಾಡುತ್ತವೆ’ ಎಂದರು.