Blind Chess World C’ships: ವಿಶ್ವ ಅಂಧರ ಚೆಸ್‌: ಪ್ರಶಸ್ತಿ ಸನಿಹಕ್ಕೆ ಲುಬೋವ್‌

ಬೆಂಗಳೂರು: ಇಲ್ಲಿ ನಡೆಯುತ್ತಿರುವ 12ನೇ ಐಬಿಸಿಎ ವಿಶ್ವ ಕಿರಿಯರ ಮತ್ತು ಮಹಿಳೆಯರ ಅಂಧರ ಚೆಸ್‌ ಚಾಂಪಿಯನ್‌ಶಿಪ್‌ನ ಮಹಿಳಾ ವಿಭಾಗದಲ್ಲಿ ಉಕ್ರೇನ್‌ನ ಸಿಲ್ಜೋವಾ ಲಿಸೆಂಕೊ ಲುಬೋವ್‌ ಪ್ರಶಸ್ತಿಗೆ ಹತ್ತಿರವಾಗಿದ್ದಾರೆ.

ಶನಿವಾರ 8ನೇ ಸುತ್ತಿನ ಸ್ಪರ್ಧೆಯ ಬಳಿಕ ಅವರು 8 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲೇ ಮುಂದುವರಿಸಿದಾರೆ. ಆರಂಭಿಕ ಸುತ್ತಿನಿಂದಲೂ ಲುಬೋವ್‌ ಅಗ್ರಸ್ಥಾನ ಕಾಯ್ದುಕೊಂಡು ಬಂದಿರುವುದು ವಿಶೇಷ.

ಶನಿವಾರದ ಸ್ಪರ್ಧೆಯಲ್ಲಿ ಲಿಸೆಂಕೊ ಲುಬೋವ್‌, ವಿಯೆಟ್ನಾಂನ ಫ‌ಮ ಥಿ ಹುಯೋಂಗ್‌ ವಿರುದ್ಧ ಜಯ ದಾಖಲಿಸಿ ಅಂಕ ಹೆಚ್ಚಿಸಿಕೊಂಡರು. ಕಿರಿಯರ ವಿಭಾಗದಲ್ಲಿ ಪೋಲೆಂಡ್‌ನ‌ ಸಲಾಮನ್‌ ಜೂಲಿಯಾ 7 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ. ಅವರು 8ನೇ ಸುತ್ತಿನಲ್ಲಿ ಭಾರತದ ರಾಹುಲ್‌ ವಘೇಲಾ ವಿರುದ್ಧ ಜಯ ಗಳಿಸಿದರು.