ಜಾಮೀನು ತೀರ್ಪು ನಾಳೆಗೆ:ಇಂದೂ ಸಲ್ಮಾನ್‌ ಖಾನ್‌ ಜೈಲು ವಾಸ 

ಜೋಧ್‌ಪುರ: ಕೃಷ್ಣಮೃಗಗಳ ಬೇಟೆ ಪ್ರಕರಣದಲ್ಲಿ ದೋಷಿಯಾಗಿ  5ವರ್ಷಗಳ ಜೈಲು ಶಿಕ್ಷೆಗೆ ಗುರಿಯಾಗಿರುವ ನಡ ಸಲ್ಮಾನ್‌ ಖಾನ್‌ 2 ನೇ ದಿನವನ್ನೂ ಜೈಲಿನಲ್ಲಿ ಕಳೆಯಬೇಕಾಗಿದೆ. ಸಲ್ಮಾನ್‌ ಪರ ವಕೀಲರು ಸಲ್ಲಿಸಿದ್ದ ಜಾಮೀನು ಅರ್ಜಿಯ ವಿಚಾರಣೆ ಮುಕ್ತಾಯಗೊಂಡಿದ್ದು ,ನ್ಯಾಯಾಧೀಶರು ತೀರ್ಪನ್ನು ನಾಳೆ ಶನಿವಾರಕ್ಕೆ ಕಾಯ್ದಿರಿಸಿದ್ದಾರೆ.  

ಕಳೆದ ರಾತ್ರಿಯನ್ನು ಜೈಲಿನಲ್ಲಿ ಸಲ್ಮಾನ್‌ ನಿದ್ರೆಯಿಲ್ಲದೆ ಕಳೆದಿದ್ದಾರೆ ಎಂದು ತಿಳಿದು ಬಂದಿದ್ದು, ಅವರಿಗೆ ಯಾವುದೇ ವಿಶೇಷ ಸವಲತ್ತುಗಳನ್ನು ನೀಡಲಾಗಿಲ್ಲ ಎಂದು ಜೈಲು ಅಧಿಕಾರಿಗಳು ತಿಳಿಸಿದ್ದಾರೆ.

ನಾಳೆ 10.30 ಕ್ಕೆ ಜಾಮೀನು ಅರ್ಜಿಯ ತೀರ್ಪು ಹೊರ ಬೀಳಲಿದ್ದು ಸಲ್ಮಾನ್‌ಗೆ ಜಾಮೀನು ಸಿಗುತ್ತದೊ ಎನ್ನುವುದನ್ನು ಕಾದು ನೋಡಬೇಕಾಗಿದೆ.