BJP vs RJD; ಮಗಳಿಂದ ಕಿಡ್ನಿ ಪಡೆದ ಬಳಿಕ ಟಿಕೆಟ್‌ ನೀಡಿದ ಲಾಲೂ: ಬಿಜೆಪಿ ವ್ಯಂಗ್ಯ

ಪಟ್ನಾ: ಆರ್‌ಜೆಡಿ ಮುಖ್ಯಸ್ಥ ಲಾಲೂ ಪ್ರಸಾದ್‌ ಯಾದವ್‌ ಲೋಕಸಭೆ ಟಿಕೆಟ್‌ಗಳನ್ನು ಅಭ್ಯರ್ಥಿಗಳಿಗೆ ಮಾರಾಟ ಮಾಡುತ್ತಿದ್ದಾರೆ. ಸ್ವಂತ ಮಗಳನ್ನೂ ಬಿಡದೆ ಅವರಿಂದಲೂ ಮೊದಲು ಕಿಡ್ನಿ ಪಡೆದು ಬಳಿಕ ಆಕೆಯನ್ನು ಅಭ್ಯರ್ಥಿಯನ್ನಾಗಿ ಮಾಡಿ ದ್ದಾರೆ!. ಹೀಗೆಂದು ಬಿಜೆಪಿ ಡಿಸಿಎಂ ಸಮರ್ಥ ಚೌಧರಿ ಶುಕ್ರವಾರ ಲಾಲೂ ವಿರುದ್ಧ ವ್ಯಂಗ್ಯವಾಡಿದ್ದಾರೆ.

ಪಟ್ನಾದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಲಾಲೂ ಟಿಕೆಟ್‌ಗಳನ್ನು ಮಾರಾಟ ಮಾಡುವಲ್ಲಿ ನಿಸ್ಸೀಮ ರಾಜಕಾರಣಿ. ಮಗ ಳನ್ನೂ ಬಿಡದೇ ಮೊದಲಿಗೆ ಕಿಡ್ನಿ ಪಡೆದು ನಂತರ ಟಿಕೆಟ್‌ ನೀಡಿದ್ದಾರೆ ಎಂದಿದ್ದಾರೆ. ಚೌಧರಿ ಹೇಳಿಕೆಗೆ ಲಾಲೂ ಪುತ್ರಿ ರೋಹಿಣಿ ತಿರುಗೇಟು ನೀಡಿದ್ದು, ಯಾವುದು ಸರಿ, ಯಾವುದು ತಪ್ಪು ಜನರು ನಿರ್ಧರಿಸುತ್ತಾರೆ ಎಂದಿದ್ದಾರೆ. 2022ರಲ್ಲಿ ತೀವ್ರ ಅನಾರೋಗ್ಯಕ್ಕೆ ತುತ್ತಾಗಿದ್ದ ಲಾಲೂಗೆ ಪುತ್ರಿ ರೋಹಿಣಿ ಕಿಡ್ನಿದಾನ ಮಾಡಿದ್ದರು.