ರಾಜ್ಯ ಚುನಾವಣೆ: ಬಿಜೆಪಿ ಖರ್ಚು 122 ಕೋಟಿ ರೂ.!

ನವದೆಹಲಿ: ಕಳೆದ ವರ್ಷ ಮೇ ತಿಂಗಳಲ್ಲಿ ನಡೆದಿದ್ದ ಕರ್ನಾಟಕ ವಿಧಾನಸಭೆ ಚುನಾ ವಣೆಯಲ್ಲಿ ತಾನು ಪ್ರಚಾರಕ್ಕಾಗಿ ಒಟ್ಟು 122.68 ಕೋಟಿ ರೂ.ಗಳನ್ನು ವ್ಯಯಿಸಿರುವುದಾಗಿ ಬಿಜೆಪಿ ಬಹಿರಂಗಪಡಿಸಿದೆ.

ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಚುನಾವಣೆ ಸಮಯದಲ್ಲಿ ಪಕ್ಷದ ಖರ್ಚು-ವೆಚ್ಚಗಳ ವಿವರಗಳಲ್ಲಿ ಈ ವಿಷಯ ಉಲ್ಲೇಖೀಸಿದ್ದು, ಒಟ್ಟು 122.68 ಕೋಟಿ ರೂ.ಗಳಲ್ಲಿ ಮಾಧ್ಯಮಗಳಲ್ಲಿನ ಪ್ರಚಾರಕ್ಕಾಗಿ 84 ಕೋಟಿ ರೂ. ವ್ಯಯಿಸಿದ್ದರೆ, ತನ್ನ ಸ್ಟಾರ್‌ ಪ್ರಚಾರಕರ ತಿರುಗಾಟ, ವಾಸ್ತವ್ಯಕ್ಕಾಗಿ 16 ಕೋಟಿ ರೂ. ಗಳನ್ನು ಖರ್ಚು ಮಾಡಲಾಗಿದೆ ಎಂದು ಬಿಜೆಪಿ ಲೆಕ್ಕ ನೀಡಿದೆ. ಮಾಧ್ಯಮ ಮತ್ತು ಪ್ರಚಾರದ ಅಡಿಯಲ್ಲಿ ಬಲ್ಕ್ ಕಿರು ಸಂದೇಶಗಳು, ಕೇಬಲ್‌, ವೆಬ್‌ಸೈಟ್‌ ಆಧಾರಿತ ಪ್ರಚಾರಗಳು ಸೇರಿವೆ ಎಂದು ಬಿಜೆಪಿ ವಿವರಣೆ ನೀಡಿದೆ.

ಇನ್ನು, ಆಯೋಗಕ್ಕೆ ಸಲ್ಲಿಸಿರುವ ಮತ್ತೂಂದು ವಿವರಣೆಯಲ್ಲಿ, ಕಳೆದ ವರ್ಷಾಂತ್ಯಕ್ಕೆ ನಡೆದಿದ್ದ ಈಶಾನ್ಯ ಭಾಗದ ಮೂರು ರಾಜ್ಯಗಳ (ಮೇಘಾಲಯ, ತ್ರಿಪುರಾ ಮತ್ತು ನಾಗಾಲ್ಯಾಂಡ್‌) ಚುನಾವಣೆಯಲ್ಲಿ ಪ್ರಚಾರಕ್ಕೆ 14 ಕೋಟಿ ರೂ. ಖರ್ಚು ಮಾಡಿರುವುದಾಗಿ ಬಿಜೆಪಿ ಹೇಳಿದೆ.