ಬಿಜೆಪಿಯೇ ಮುಖ್ಯ ವೈರಿ; ರಾಹುಲ್‌ ಬದಲಾಗಿದ್ದಾರೆ: ಸೇನೆ

ಮುಂಬಯಿ : ಬಿಜೆಪಿಯೇ ಶಿವಸೇನೆಯ ಪ್ರಮುಖ ವೈರಿ; ಕೇವಲ ಮಹಾರಾಷ್ಟ್ರ ಸರಕಾರಕ್ಕಾಗಿ ಮಾತ್ರವೇ ಶಿವಸೇನೆಯ ಭಾಗವಾಗಿ ಉಳಿದಿದೆ ಎಂದು ಶಿವಸೇನೆಯ ಸಂಸದ ಸಂಜಯ್‌ ರಾವುತ್‌ ಹೇಳಿದ್ದಾರೆ.

ದೇವೇಂದ್ರ ಫ‌ಡ್ನವೀಸ್‌ ನೇತೃತ್ವದ ಮಹಾರಾಷ್ಟ್ರದ ಬಿಜೆಪಿ ಸರಕಾರದ ಮೂರನೇ ವರ್ಷಾಚರಣೆಯ ಮುನ್ನಾದಿನ ನಾಶಿಕ್‌ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ಸಂಜಯ್‌ ರಾವುತ್‌ ಅವರು, “ಬಿಜೆಪಿಯೇ ಸರಕಾರದ ಯಜಮಾನ; ನಾವು ಕೇವಲ ಅದರ ಭಾಗ. ಕಾಂಗ್ರೆಸ್‌ ಮತ್ತು ಎನ್‌ಸಿಪಿ ವಿರುದ್ಧ ದಾಳಿ ಮಾಡುವ ಬದಲು ಬಿಜೆಪಿಯು ಶಿವಸೇನೆಯನ್ನೇ ಗುರಿಯಾಗಿರಿಸಿಕೊಂಡಿದೆ. ಹಾಗಾಗಿ ಬಿಜೆಪಿಯೇ ನಮ್ಮ ಮುಖ್ಯ ವೈರಿ’ ಎಂದು ಹೇಳಿದರು. 

“ಜನರಿಂದ ಸ್ವೀಕೃತವಾಗುವವನೇ ನಿಜವಾದ ನಾಯಕ.2014ರ ಬಳಿಕ ರಾಹುಲ್‌ ಗಾಂಧಿ ಅವರಲ್ಲೀಗ ಸಾಕಷ್ಟು ಬದಲಾವಣೆಗಳಾಗಿವೆ. ಆತ ಹೇಳುವುದನ್ನು ಜನರು ಕೇಳಬಯಸುತ್ತಾರೆ’ ಎಂದು ರಾವುತ್‌ ಹೇಳಿದರು.