ರಾಜೀನಾಮೆ ನೀಡಲಿದ್ದ ಸಿಎಂ ಪರೀಕರ್‌ಗೆ ಬಿಜೆಪಿ ತಡೆ: ಸರ್ದೇಸಾಯ್‌

ಪಣಜಿ: ಅನಾರೋಗ್ಯ ಪೀಡಿತರಾಗಿರುವ 62ರ ಹರೆಯದ ಗೋವಾ ಮುಖ್ಯಮಂತ್ರಿ ಮನೋಹರ್‌ ಪರೀಕರ್‌ ರಾಜೀನಾಮೆ ನೀಡಲು ಬಯಸಿದ್ದರು; ಆದರೆ ಬಿಜೆಪಿ ಹೈಕಮಾಂಡ್‌ ಅವರನ್ನು ತಡೆಯಿತು ಎಂದು ಗೋವಾ ಫಾರ್ವರ್ಡ್‌ ಪಾರ್ಟಿ ಮುಖ್ಯಸ್ಥ ಮತ್ತು ಕೃಷಿ ಸಚಿವ  ವಿಜಯ್‌ ಸರ್ದೇಸಾಯ್‌ ಹೇಳಿದ್ದಾರೆ. 

ಈ ವರ್ಷ ಗಣೇಶ ಚತುರ್ಥಿಯ ಸಂದರ್ಭದಲ್ಲೇ ಮುಖ್ಯಮಂತ್ರಿ ಪರೀಕರ್‌ ಅವರು ತಮ್ಮ ಪದಕ್ಕೆ ರಾಜೀನಾಮೆ ನೀಡಲು ಬಯಸಿದ್ದರು; ಮಾತ್ರವಲ್ಲದೆ ತಮ್ಮ ಕೈಯಲ್ಲಿರುವ ಇತರ ಖಾತೆಗಳನ್ನು ಇತರ ಸಚಿವರಿಗೆ ಹಂಚಿಕೊಡಲು ಬಯಸಿದ್ದರು ಎಂದು ಸರ್ದೇಸಾಯ್‌ ಹೇಳಿದರು. 

ಕಳೆದ ಅ.14ರಂದು ದಿಲ್ಲಿಯ ಏಮ್ಸ್‌ನಿಂದ ಬಿಡುಗಡೆಗೊಂಡ ಬಳಿಕ ಪರೀಕರ್‌ ತಮ್ಮ ಮನೆಯಲ್ಲೀಗ ವಿಶ್ರಾಂತಿ ಪಡೆಯುತ್ತಿದ್ದಾರೆ. ಅವರಿಗೆ ಪ್ಯಾಂಕ್ರಿಯಾಟಿಕ್‌ ತೊಂದರೆ ಇದೆ.